ചണ്ഡിഗഡ് | പരീക്ഷണത്തിന്റെ ഭാഗമായി കൊവിഡ് വാക്‌സിനെടുത്ത ഹരിയാന ആഭ്യന്തരമന്ത്രി അനില്‍ വിജിന് കൊവിഡ് . നവംബര്‍ 20ന് മൂന്നാംഘട്ട വാക്‌സിന്‍ പരീക്ഷണത്തിന്റെ ഭാഗമായാണ് മന്ത്രി കോ വാക്‌സിന്‍ സ്വീകരിച്ചിരുന്നത്.വാക്‌സിന്‍ സ്വീകരിച്ച് ദിവസങ്ങള്‍ക്കകമാണ് രോഗബാധ.
തുടര്‍ന്ന് മന്ത്രിയെ അംബാലയിലെ ആശുപത്രിയില്‍ പ്രവേശിപ്പിച്ചു. വാക്‌സിന്‍ പരീക്ഷണത്തിന് സന്നദ്ധനാണെന്ന് മന്ത്രി നേരത്തെ വ്യക്തമാക്കിയിരുന്നു. ഇതിനു പിന്നാലെയാണ് അദ്ദേഹം വാക്‌സിന്‍ സ്വീകരിച്ചത്.ഓക്‌സ്ഫര്‍ഡ് സര്‍വകലാശാല വികസിപ്പിച്ച ആസ്ട്ര സിനിക, കാഡില തുടങ്ങിയ വാക്‌സിനുകളാണ് ഇന്ത്യയില്‍ ക്ലിനിക്കല്‍ പരീക്ഷണം നടന്നുകൊണ്ടിരിക്കുന്നത്.
0 Comments