പൂച്ചക്കാട് കോഴി ലോറി മറിഞ്ഞ് രണ്ട് പേർക്ക് ഗുരുതര പരിക്ക്

 

കാസർകോട് - കാഞ്ഞങ്ങാട് കെ.എസ്.ടി.പി റോഡിലെ പള്ളിക്കര പൂച്ചക്കാട്ട് കോഴി ലോറി മറിഞ്ഞു. അപകടത്തിൽ ലോറി ഡ്രൈവർ തമിഴ് നാട് സ്വദേശി സെന്തിലിനും കൂടെ ഉണ്ടായിരുന്ന സഹായിക്കും ഗുരുതരമായി പരിക്കേറ്റു. ഇരുവരെയും ആശുപത്രിയിൽപ്രവേശിപ്പിച്ചു. ഞായറാഴ്ച്ച രാവിലെ ആറു മണിയോടെ പൂച്ചക്കാട്, അരയാൽ തറയിലാണ് അപകടം. നിയന്ത്രണം തെറ്റിയ ലോറി ഡിവൈഡറിൽ ഇടിച്ചാണ് അപകടം. അപകടത്തിൽ തകർന്ന ലോറിയിൽ കുടുങ്ങിപ്പോയ സെന്തിലിനെയും കൂടെ ഉണ്ടായിരുന്ന ആളെയും നാട്ടുകാരും പൊലിസും ഫയർഫോഴ്‌സും ചേർന്ന് ഏറെ സാഹസപ്പെട്ടാണ് പുറത്തെടുത്ത് ആശുപത്രിയിൽ എത്തിച്ചത്.