കാസർകോട്: കാസർകോട് ചെമ്മനാട് സ്വദേശിയായ മുഹമ്മദ് നൗഫൽ സി എ ഐ ടി ഡീലേഴ്സ് കോപ്പറേറ്റിവ് സൊസൈറ്റി സംസ്ഥാന ഡയറക്ടര്‍ ബോര്‍ഡിലേക്ക്. ഐ ടി ഡീലേഴ്സ് കോപ്പറേറ്റിവ് സൊസൈറ്റിയുടെ ഔദ്യോഗിക പാനലിൽ മത്സരിച്ചാണ് മികച്ച ഭൂരിപക്ഷത്തിൽ ഡയറക്ടര്‍ ബോര്‍ഡിലേക്ക് തെരഞ്ഞെടുക്കപ്പെട്ടത്.
കാസർകോട് സ്വദേശിയായ നൗഫൽ, “റിയൽ കംപ്യൂട്ടേഴ്സ്” എന്ന സ്ഥാപനത്തിന്റെ ഉടമയാണ്. ഉപഭോക്താക്കൾക്ക് മിതമായ വിലയിൽ വിശ്വസനീയമായ ഐ.ടി. ഉപകരണങ്ങളും സേവനങ്ങളും ലഭ്യമാക്കുന്നതിലാണ് അദ്ദേഹത്തിന്റെ പ്രധാന ശ്രദ്ധ.
ദശാബ്ദത്തിലധികമായി കാസർകോട് ജില്ലയിലെ ഐ.ടി. വിപണിയിൽ പ്രവർത്തിച്ചു വരുന്ന നൗഫൽ, സത്യസന്ധമായ സേവനം, പുതുമയാർന്ന ഉൽപ്പന്നങ്ങൾ, ഉപഭോക്തൃസൗഹൃദ സമീപനം എന്നിവകൊണ്ട് വിശ്വാസം നേടി.
സാങ്കേതിക വിദ്യ എല്ലാവർക്കും പ്രാപ്യമാക്കണമെന്ന ദർശനത്തോടെ, വിദ്യാർത്ഥികൾക്കും ചെറിയ വ്യാപാരികൾക്കും സാധാരണ ഉപഭോക്താക്കൾക്കും വിലക്കുറവുള്ള കമ്പ്യൂട്ടർ, ലാപ്‌ടോപ്പ്, ആക്സസറികൾ, നെറ്റ്‌വർക്ക് ഉപകരണങ്ങൾ എന്നിവ നൽകിക്കൊണ്ട് അദ്ദേഹം ഐ.ടി. രംഗത്ത് ശ്രദ്ധേയനായിരിക്കുന്നു.
ഇപ്പോൾ, ഐ.ടി. ഡീലേഴ്സ് കോപ്പറേറ്റീവ് സൊസൈറ്റിയുടെ സംസ്ഥാന ഡയറക്ടർ ബോർഡിലേക്ക് അദ്ദേഹത്തിന്റെ തിരഞ്ഞെടുപ്പ്, കാസർകോട് ജില്ലയ്ക്കും ഐ.ടി. മേഖലയ്ക്കും അഭിമാനകരമായൊരു നേട്ടമായി മാറിയിരിക്കുന്നു.
നിലവിൽ AKITDA സംസ്ഥാന സെക്രട്ടറി, കേരള വ്യാപാരി വ്യവസായി ഏകോപന സമിതി യൂത്ത് വിംഗ് ജില്ലാ സെക്രട്ടറി, കാസറഗോഡ് മർച്ചന്റ്‌സ് ആൻഡ്‌ ഇൻഡസ്ട്രിയൽ അസോസിയേഷൻ പ്രവർത്തക സമിതി അംഗം എന്നീ നിലയിൽ പ്രവർത്തിച്ചുവരുന്നു.
0 Comments