കാഞ്ഞങ്ങാട്: സംസ്ഥാനത്ത് ഒറ്റത്തവണ ഉപയോഗിക്കുന്ന പ്ലാസ്റ്റിക് ഉല്പന്നങ്ങൾ നിരോധിച്ച പശ്ചാത്തലത്തിൽ പ്ലാസ്റ്റിക്ക് മാലിന്യം വലിച്ചെറിഞ്ഞാലുണ്ടാകുന്ന പാരിസ്ഥിതിക ആരോഗ്യ പ്രശ്നങ്ങൾ സമൂഹത്തിലെത്തിക്കുന്നതിനു വേണ്ടി മുട്ടുന്തല എ.എൽ പി സ്കൂളിലെ വിദ്യാർത്ഥികളും അധ്യാപകരും പ്ലാസ്റ്റിക് വിരുദ്ധ റാലി സംഘടിപ്പിച്ചു. വിദ്യാലയത്തിൽ നിന്ന് പ്രതിജ്ഞ എടുത്ത ശേഷം റാലി ആരംഭിച്ചു. പ്ലാസ്റ്റിക് ഉപേക്ഷിക്കൂ ഭൂമിയെ രക്ഷിക്കൂ, തുണി സഞ്ചി ശീലമാക്കൂ തുടങ്ങിയ പ്ലക്കാർഡുകളുമായി നടത്തിയ റാലി ജനശ്രദ്ധ പിടിച്ചുപറ്റി.
0 Comments