LATEST UPDATES

6/recent/ticker-posts

പൊറോട്ടയുടെ വില കൂടിയെന്ന് പറഞ്ഞ് ഹോട്ടലുടമയുടെ തല അടിച്ചു പൊട്ടിച്ചു

 


പൊറോട്ടയുടെ വില കൂടിപ്പോയെന്ന് പറഞ്ഞ് ഹോട്ടലുടമയോട് കൊടും ക്രൂരത. നാലംഗ സംഘം ഹോട്ടലുടമയുടെ തല അടിച്ചുപൊട്ടിച്ചു. ആറ്റിങ്ങല്‍ മൂന്നുമുക്കിലെ ജൂസ് സ്റ്റാന്റ് ഹോട്ടലുടമ ബി എല്‍ നിവാസില്‍ ഡിജോയ്ക്കാണ് പരുക്കേറ്റത്. ഇന്നോവ കാറിലും ബുള്ളറ്റിലുമായി എത്തിയ സംഘം ഭക്ഷണം കഴിച്ച് ബില്ലും നല്‍കി പോയ ശേഷം വീണ്ടും മടങ്ങിയെത്തി. പൊറോട്ടക്ക് 12 രൂപ വാങ്ങിയെന്ന് പറഞ്ഞ് അസഭ്യം പറഞ്ഞ് ഉടമയെ അക്രമിക്കുകയായിരുന്നു. 


ഇന്നലെയാണ് സംഭവം നടന്നത്. ഇവര്‍ ഡിജോയിയോട് കടയുടെ പുറത്തിറങ്ങാന്‍ ആവശ്യപ്പെട്ടു. പിന്നീട് വാക്കേറ്റവും ഉന്തും തള്ളുമുണ്ടായി. പൊലീസിനെ വിളിക്കാന്‍ ഡിജോയ് ശ്രമിച്ചെങ്കിലും അക്രമികള്‍ ഫോണ്‍ തട്ടിപ്പറിച്ച് വാങ്ങി. ഇതിനിടെ ഒരാള്‍ കടയുടെ മുന്നിലിരുന്ന പാല്‍കൊണ്ടുവരുന്ന ട്രേയുമായി പിന്നിലൂടെ വന്ന് ഡിജോയിയുടെ തലയ്ക്കടിച്ചു വീഴ്ത്തി നിലത്തിട്ടു ചവിട്ടുകയും ചെയ്തു. കാര്‍ നമ്പര്‍ കേന്ദ്രീകരിച്ചാണ് ആറ്റിങ്ങല്‍ പൊലീസ് അന്വേഷണം നടത്തുന്നത്.

Post a Comment

0 Comments