കഴിഞ്ഞ മൂന്നുവര്ഷത്തിനിടെ വിദേശ പൗരത്വം സ്വീകരിച്ചത് 4.52 ലക്ഷം ഇന്ത്യക്കാരെന്ന് വിദേശകാര്യമന്ത്രാലയം. ത്രിപുരയില് നിന്നുള്ള സി.പി.ഐ.എം എം.പി ജിതേന്ദ്രചൗധരി ലോക്സഭയില് ഉന്നയിച്ച ചോദ്യത്തിന് നല്കിയ മറുപടിയിലാണ് വിദേശ കാര്യ സഹമന്ത്രി വി.കെ സിംഗ് ഇക്കാര്യം വ്യ്കതമാക്കിയത്.
2016 ല് അമേരിക്കന് പൗരത്വത്തിനായി മാത്രം 46,000 പേരാണ് ഇന്ത്യന് പൗരത്വം ഉപേക്ഷിച്ചത്. 2015 ല് ഇത് 42213 ആയിരുന്നു. 2014 നും 2017 നും ഇടയിലുള്ള കാലയളവില് 117 രാജ്യങ്ങളില് നിന്നുള്ള 4,52,109 പേരാണ് ഇന്ത്യന് പൗരത്വം ഉപേക്ഷിച്ച് വിദേശ പൗരത്വം സ്വീകരിച്ചത്.
പ്രൊഫഷണലുകളുടെ പാത പിന്തുടര്ന്നാണ് കൂടുതല് ഇന്ത്യക്കാരും അമേരിക്കയിലേയ്ക്ക് കുടിയേറുകയും അവിടുത്തെ പൗരത്വം സ്വീകരിക്കുകയും ചെയ്യുന്നതെന്നാണ് വിദേശകാര്യ മന്ത്രാലയം പറയുന്നത്.
0 Comments:
ഒരു അഭിപ്രായം പോസ്റ്റ് ചെയ്യൂ