എസ് എഫ് ഐയുടെ വിദ്യാർത്ഥി വിരുദ്ധ നിലപാട് നാണക്കേട് : എം.എസ്.എഫ്

കാസറഗോഡ് : തൃക്കരിപ്പൂർ ഇ .കെ നായനാർ പോളി ടെക്നിക് കോളേജിൽ എസ് .എഫ് .ഐയുടെ കൊടിമരം നശിപ്പിക്കപ്പെട്ടതിൽ സമരം ചെയ്ത് ക്ലാസ് തടസപ്പെടുത്തി അനിശ്ചിത കാലത്തേക്ക് അടച്ചിടാനുള്ള നീക്കം വിദ്യാർത്ഥി സംഘടനക്ക് തന്നെ നാണക്കേടുണ്ടാക്കിയെന്ന് എം .എസ് .എഫ് ജില്ലാ പ്രസിഡന്റ് ആബിദ് ആറങ്ങാടിയും ജനറൽ സെക്രട്ടറി സി ഐ എ ഹമീദും കുറ്റപ്പെടുത്തി .

 ഇത്തരം വിദ്യാർത്ഥി വിരുദ്ധ നിലപാടുമായി ക്യാമ്പസ്സിൽ പ്രവർത്തിക്കുന്ന എസ്‌ എഫ് ഐ പ്രവർത്തകരെ നിലക്ക് നിർത്താൻ ഉത്തരവാദപ്പെട്ടവർ ശ്രമിക്കണം അല്ലാത്ത പക്ഷം സംഘടനയ്ക്ക് വലിയ പ്രത്യാഘാതം നേരിടേണ്ടി വരും .
കൊടിമരം നശിപ്പിക്കപ്പെട്ടതിന്റെ പേരിൽ ക്യാമ്പസ്സിൽ പഠിക്കുന്ന എം എസ് എഫ് പ്രവർത്തകർക്ക് നേരെ തിരിയുന്ന എസ് എഫ് ഐകാർ ജില്ലയിൽ മറ്റു കോളേജുകളുണ്ടെന്ന കാര്യം ഓർക്കുന്നത് നന്നായിരിക്കും . പോളിയിൽ നിങ്ങൾക്കുള്ള ആൾബലവും സ്വാധീനവും എം എസ്‌ എഫ് ഭരിക്കുന്ന കോളേജുകളിലും ഞങ്ങൾക്കുമുണ്ട് അവിടെയൊക്കെ വിദ്യാർത്ഥി സൗഹൃദം നിലനിർത്തി പോകുമ്പോൾ നിങ്ങളുടെ ശൈലി ഇതാണെയെങ്കിൽ ഞങ്ങൾക്ക് അതേ നാണയത്തിൽ തിരിച്ചടിക്കേണ്ടി വരുമെന്ന് ആബിദ് ആറങ്ങാടിയും സി ഐ എ ഹമീദ് കൂട്ടിയും ചേർത്തു .