കാസര്‍കോട്: എല്‍.ബി.എസ് എഞ്ചിനീയറിംഗ് കോളേജില്‍ പോലീസ് സംഘത്തെ അക്രമിക്കുകയും പ്രതിയെ മോചിപ്പിക്കാന്‍ ശ്രമിക്കുകയും ചെയ്ത കേസില്‍ പൊലീസ് അന്വേഷണം പൂര്‍ത്തിയാക്കി കോടതിയില്‍ പത്തുപേര്‍ക്കെതിരെ കുറ്റപത്രം സമര്‍പ്പിച്ചു. പരവനടുക്കത്തെ മുഹമ്മദ് ഷമീം(21), ഫോര്‍ട്ട് റോഡിലെ മുഹമ്മദ് റാസിക്(20), ചെര്‍ക്കള കനിയടുക്കത്തെ ഹൈസിന്‍ സഹീര്‍ അലി(23), പൊവ്വലിലെ അബ്ദുറഹ്മാന്‍(22), ചെര്‍ക്കള ഇന്ദിരാനഗറിലെ മുഹമ്മദ് സുഹൈര്‍(20), കനിയടുക്കത്തെ ഇബ്രാഹിം ജാഷിദ്(22), ചെര്‍ക്കളയിലെ മുഹമ്മദ് അഫല്‍(23), ചേരങ്കൈയിലെ അബ്ദുറഹ്മാന്‍ റൗഫ്(20), ചെര്‍ക്കളയിലെ ഇസ്മയില്‍ മുബിന്‍(22), നീലേശ്വരം ചിറപ്പുറത്തെ ശിഹാബുദ്ദീന്‍(21) എന്നിവര്‍ക്കെതിരെയാണ് ആദൂര്‍ പൊലീസ് കാസര്‍കോട് ജുഡീഷ്യല്‍ ഒന്നാംക്ലാസ് മജിസ്ട്രേട്ട്(ഒന്ന്) കോടതിയില്‍ കുറ്റപത്രം സമര്‍പ്പിച്ചത്.
മാര്‍ച്ച് 5ന് പൊവ്വല്‍ എല്‍.ബി.എസ് കോളേജില്‍ യു.ഡി.എസ്.എഫ് -എസ്.എഫ്.ഐ പ്രവര്‍ത്തകരായ വിദ്യാര്‍ത്ഥികള്‍ തമ്മില്‍ സംഘര്‍ഷമുണ്ടായിരുന്നു. അക്രമത്തില്‍ പരിക്കേറ്റ വിദ്യാര്‍ത്ഥികളെ നുള്ളിപ്പാടിയിലെ സ്വകാര്യാസ്പത്രിയിലാണ് പ്രവേശിപ്പിച്ചിരുന്നത്. കേസില്‍ പ്രതിയായ നവാസ് റഹ്മാന്‍ എന്ന വിദ്യാര്‍ത്ഥി ആസ്പത്രിയിലുണ്ടെന്ന വിവരമറിഞ്ഞ് പൊലീസ് സംഘം എത്തി വിദ്യാര്‍ത്ഥിയെ കസ്റ്റഡിയിലെടുക്കാന്‍ ശ്രമിച്ചപ്പോള്‍ പത്തംഗസംഘം പൊലീസുകാരെ ആക്രമിച്ച് പ്രതിയെ മോചിപ്പിക്കാന്‍ ശ്രമിച്ചുവെന്നാണ് കേസ്.
0 Comments