സേട്ടു സാഹിബ്‌ അനുസ്മരവും ഉന്നത വിജയികളെ അനുമോദിക്കലും 13ന് കാഞ്ഞങ്ങാട്ട്

കാഞ്ഞങ്ങാട്: പ്രമുഖ പാര്‍ലമെന്‍റെറിയനും ഇന്ത്യൻ നാഷണൽ ലീഗ് ദേശീയ അധ്യക്ഷനുമായിരുന്ന മെഹബൂബ് മില്ലത്ത് ഇബ്രാഹിം സുലൈമാൻ സേട്ടു സാഹിബിന്റെ പതിമൂന്നാമത് ചരമദിനം വിപുലമായ പരിപാടികളോടെ ആചരിക്കാൻ കാഞ്ഞങ്ങാട് മണ്ഡലം ഐ.എൻ.എൽ കമ്മിറ്റി തീരുമാനിച്ചു. അനുസ്മരണ പരിപാടിയും ജില്ലയിലെ ഉന്നത വിജയം കരസ്ഥമാക്കിയ പ്രതിഭകളെ അനുമോദിക്കലും 2018 മെയ്‌ 13 ന്ഞായറാഴ്ച വൈകിട്ട് മൂന്നു മണിക് കാഞ്ഞങ്ങാട് വ്യാപാര ഭവനിൽ മണ്ഡലം പ്രസിഡന്റ്‌ ബിൽടെക് അബ്ദുല്ലയുടെ അധ്യക്ഷതയിൽ കേരള സംസ്ഥാന വൈദ്യുതി വകുപ്പ് മന്ത്രി എം.എം മണി ഉദ്ഘാടനം ചെയ്യും.
ചടങ്ങിൽ ഐ.എൻ.എൽ അജാനൂർ പഞ്ചായത്ത് കമ്മിറ്റിയുടെ കർമ്മ പദ്ധതിയായ മിഷൻ 20-20 പദ്ധതിയുടെ ഭാഗമായുള്ള റേഷൻ പദ്ധതിയുടെ ഉദ്ഘാടനം കാഞ്ഞങ്ങാട് മുൻസിപ്പൽ വൈസ് ചെയർപേഴ്സൺ എൽ സുലൈഖ നിർവ്വഹിക്കും. കാസറഗോഡ് ജില്ലയിൽ നിന്ന് സിവിൽ സർവ്വീസ്  റാങ്ക് ജേതാവായ വിഷ്ണു പ്രദീപിനും, മദ്രാസ് ഐ ഐ ടി യിൽ 100% മാർക്കു വാങ്ങിയ മുഹമ്മദ്‌ ശാമിലിനെയും ഐ.എൻ.എൽ ജില്ലാ അധ്യക്ഷൻ മൊയ്തീന്‍ കുഞ്ഞി കളനാട് ഉപഹാരം നൽകി ആദരിക്കും. പ്രമുഖ പ്രഭാഷകനും കണ്ണൂർ സർവ്വകലാശാല വൈസ് ചാന്‍സിലറുമായിരുന്ന ഡോക്ടർ ഖാദർ മാങ്ങാട് സേട്ടു സാഹിബ്‌ അനുസ്മരണ പ്രഭാഷണം നടത്തും. അസീസ് കടപ്പുറം, അഡ്വ: രാജ്‌മോഹൻ, എം കുഞ്ഞികൃഷ്ണൻ, എൻ.എ ഖാലിദ്, എ.വി രാമകൃഷ്ണൻ, ടി മുഹമ്മദ്‌ അസ്‌ലം, റിയാസ് അമലടുക്കം, എ.ഡി ലത, സി കെ ബാബുരാജ്, ഹംസ മാസ്റ്റർ, ഹസൈനാർ പുഞ്ചാവി, സി എ റഹ്‌മാൻ, കെ.സി മുഹമ്മദ്‌ കുഞ്ഞി, ഹമീദ് മുക്കൂട്, ജലീൽ കെ. പടന്നക്കാട്, ശരീഫ് കൊളവയൽ തുടങ്ങി വിവിധ രാഷ്ട്രീയ പാർട്ടി പ്രതിനിധികൾ, മാധ്യമ പ്രവർത്തകർ പങ്കെടുക്കും. മുഹമ്മദ്‌ ഷഫീക് സ്വാഗതവും ഗഫൂർ ബാവ നന്ദിയും പറയും