ഇതും അവഗണിച്ചാണ് ഇപ്പോള്‍ ടിപ്പര്‍ കണക്കിന് മണ്ണ് പാടശേഖരത്തേക്ക് അടിക്കുന്നത്. എറണാകുളം മെഡിക്കല്‍ ട്രസ്റ്റ് ആശുപത്രിയുടെ ഉടമസ്ഥതയിലുള്ള ഭൂമിയാണ് ഫ്‌ളവേഴ്‌സ് ടിവി സംഗീത നിശക്കായി തെരഞ്ഞെടുത്തത്. വിവിധ ഘട്ടങ്ങളായിട്ടാണ് മെഡിക്കല്‍ ട്രസ്റ്റ് ഇപ്പോള്‍ മണ്ണിട്ട് നികത്തുന്ന ഭൂമി വാങ്ങിക്കൂട്ടിയത്. 2008ല്‍ തണ്ണീര്‍ത്തട സംരക്ഷണ നിയമം വന്നതിന് ശേഷവും ഇവിടെ വ്യാപകമായി മണ്ണടിച്ചുവെന്ന് പ്രദേശവാസികള്‍ പറയുന്നു.
2006ല്‍ റിച്ചാര്‍ഡ് ബ്രെങോയ് എന്ന മത്രപ്രഭാഷകന്റെ പ്രഭാഷണം ഈ പാടശേഖരത്തില്‍ സംഘടിപ്പിച്ചിരുന്നു. ഈ പരിപാടി കഴിഞ്ഞപ്പോള്‍ പാടത്തിന്റെ കുറേ ഭാഗം നികന്നിരുന്നു. 2008ല്‍ നെല്‍വയല്‍ തണ്ണീര്‍ത്തട സംരക്ഷണ നിയമം വന്നതോടെ നികത്തിന് അല്‍പം സാവകാശം വന്നു. എന്നാല്‍ 2011 ല്‍ എല്‍ഡിഎഫ് സര്‍ക്കാരിന്റെ കാലാവധി തീരുന്നതിന് മാസങ്ങള്‍ക്ക് മുമ്പാണ് വലിയ തോതില്‍ നികത്തുണ്ടായത്. 2010 അവസാനത്തോടെ മണ്ണ് ഇറക്കുകയും ജനുവരി, ഫെബ്രുവരി, മാര്‍ച്ച് മാസങ്ങളിലായി നികത്തുകയും ചെയ്തുവെന്ന് നാട്ടുകാര്‍ ആരോപിക്കുന്നു.
ഇപ്പോള്‍ മണ്ണിട്ട് നികത്തുന്നത് പരിവര്‍ത്തനം ചെയ്യാന്‍ പാടില്ലാത്ത ഭൂമിയാണെന്ന് റവന്യൂ വകുപ്പ് അധികൃതര്‍ തന്നെ സമ്മതിക്കുന്നുണ്ട്.
തിരുവനന്തപുരം സുധര്‍മ വിലാസില്‍ ജയചന്ദ്രന്‍ നല്‍കിയ പരാതിയുടെ അടിസ്ഥാനത്തില്‍ റവന്യൂ വകുപ്പ് അധികൃതര്‍ സ്ഥലത്ത് എത്തി പരിശോധന നടത്തിയിരുന്നു. കണയന്നൂര്‍ താലൂക്ക് തിരുവാങ്കുളം വില്ലേജിലെ സര്‍വേ നമ്പര്‍ 184/34, 184/21, 184/22, 184/23,184/24, 184/25, 184/31, 185/5, 185/2, 185/3, 185/4, 185/5, 185/17 എന്നീ എറണാകുളം മെഡിക്കല്‍ ട്രെസ്റ്റിന്റെ കൈവശമുള്ള ഭൂമി നെല്‍വയല്‍- തണ്ണീര്‍ത്തട നിയമം ലംഘിച്ച് നികത്തുന്നുവെന്നാണ് പരാതി നല്‍കിയിരിക്കുന്നത്. അഡീഷണല്‍ തഹസില്‍ദാര്‍ സ്ഥലത്തെത്തി പരിശോധന നടത്തിയതിനെ തുടര്‍ന്നാണ് സ്റ്റോപ്പ് മെമ്മോ കൈമാറിയത്. എന്നാല്‍ ഇതു ലംഘിച്ച് ഇന്നും പാടത്തേക്ക് മണ്ണടിച്ചിരുന്നു.
0 Comments