അസാധാരണ വ്യക്തിത്വത്തിന് ഉടമയായിരുന്നു സേട്ട് സാഹിബ്: എം.എം.മണി

കാഞ്ഞങ്ങാട്: ഇന്ത്യൻ നാഷണൽ ലീഗ് സ്ഥാപക നേതാവ് ഇബ്രാഹിം സുലൈമാൻ സേട്ടു സാഹിബ് അസാധാരണമായ വ്യക്തിത്വത്തിന് ഉടമ ആയിരുന്നെന്ന് മന്ത്രി എം.എം.മണി. കാഞ്ഞങ്ങാട്ട് ഐ.എൻ.എൽ നടത്തിയ സേട്ടു സാഹിബ് അനുസ്മരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഇന്ത്യയിലെ ഇടതു പക്ഷ പ്രസ്ഥാനങ്ങളുടെ നിലപാടും മതന്യൂനപക്ഷ താല്പര്യങ്ങളും ഒന്നായതിനാലാണ് ഐ.എൻ.എലും, എൽ.ഡി.എഫും ഐക്യപ്പെടുന്നു എന്നും അദ്ദേഹം കൂട്ടിച്ചേർത്തു.
കണ്ണൂർ സർവ്വകലാശാല മുൻ വൈസ് ചാൻസിലർ ഡോ: ഖാദർ മാങ്ങാട് അനുസ്മരണ പ്രഭാഷണം നടത്തി . മണ്ഡലം  പ്രസിഡന്റ് ബിൽടെക് അബ്ദുള്ള അധ്യക്ഷം വഹിച്ചു . മദ്രാസ് ഐ .ഐ .ടിയിൽ നിന്നും മികച്ച വിജയം കരസ്ഥമാക്കിയ മുഹമ്മദ് ശാമിലിന് ജില്ലാ പ്രസിഡന്റ് മൊയ്‌ദീൻ കുഞ്ഞി കളനാട് മൊമെന്റോ നൽകി അനുമോദിച്ചു .ജില്ലാ പ്രസിഡന്റ് മൊയ്‌ദീൻ കുഞ്ഞി കളനാട് , ജനറൽ സെക്രട്ടറി അസീസ് കടപ്പുറം , കോൺഗ്രസ് മണ്ഡലം പ്രസിഡന്റ് എം .കുഞ്ഞികൃഷ്ണൻ , ജനതാദൾ ( യു ) ജില്ലാ പ്രസിഡന്റ് എ.വി .രാമകൃഷ്ണൻ , കാഞ്ഞങ്ങാട് നഗരസഭ വൈസ് ചെയർപേഴ്സൺ എൽ .സുലൈഖ , കൗൺസിലർ എ .ഡി .ലത, റിയാസ് അമലടുക്കം, മുഹമ്മദ് അസ്‌ലം ടി. ഹംസ മാസ്റ്റർ, ഇസ്മായിൽ പടന്നക്കാട്, ഐ.എം.സി.സി നേതാക്കളായ ശരീഫ് കൊളവയൽ, ജലീൽ പടന്നക്കാട് തുടങ്ങിയവർ സംസാരിച്ചു. ഷഫീക് കൊവ്വൽപ്പള്ളി സ്വാഗതവും, ഗഫൂർ ബാവ നന്ദിയും പറഞ്ഞു .