കാഞ്ഞങ്ങാട്: കെ.എസ്.ടി.പി റോഡ് പ്രവര്‍ത്തിയുടെ ഭാഗമായി നിലവിലുള്ള റോഡിന് മുകളില്‍ ടാറിംഗ് പ്രവര്‍ത്തി ചെയ്യുന്നതിനായി വെള്ളിയാഴ്ച രാവിലെ മുതല്‍ കാഞ്ഞങ്ങാട് നഗരത്തില്‍ മന്‍സൂര്‍ ആസ്പത്രി മുതല്‍ പുതിയ കോട്ട ട്രാഫിക്ക് സര്‍ക്കിള്‍ വരെ ഗതാഗത നിയന്ത്രണമുണ്ടാവും. റോഡിന്റെ ഒരു ഭാഗം അടക്കുന്നതും ഇതില്‍ കൂടി ഇരു ചക്ര വാഹനങ്ങള്‍ക്ക് അടക്കം ഗതാഗതം നിരോധിക്കുന്നതുമാണെന്ന് കരാറുകാരായ ആര്‍.ഡി.എക്‌സ് പ്രോജക്ടിന്റെ പ്രോജക്ട് മാനേജര്‍ അറിയിച്ചു. ഒരാഴ്ചക്കാലം ഇതു തുടരുന്നതും, കാസര്‍കോട് ഭാഗത്ത് നിന്നുള്ള ഹെവി വാഹനങ്ങള്‍ ദേശീയ പാതയിലൂടെ പോകണമെന്നും ചെറിയ വാഹനങ്ങള്‍ മഡിയന്‍ ജംഗ്ഷനില്‍ നിന്നും വെള്ളിക്കോത്തുവഴി തിരിച്ച് വിടണമെന്നും അറിയിച്ചു.
0 Comments