104 എം.എല്‍.എമാര്‍ മാത്രമുള്ള ബി.ജെ.പി നിയമസഭാ കക്ഷി നേതാവ്‌ ബി.എസ്‌. യെദ്യൂരപ്പയെ സര്‍ക്കാര്‍ ഉണ്ടാക്കാന്‍ ഗവര്‍ണ്ണര്‍ ക്ഷണിച്ചതിനെ ചോദ്യം ചെയ്‌തുകൊണ്ട്‌ കോണ്‍ഗ്രസ്‌ സമര്‍പ്പിച്ച ഹര്‍ജിയിന്മേലാണ്‌ സുപ്രീംകോടതി തീരുമാനം.
സത്യപ്രതിജ്ഞ ചെയ്‌ത നടപടി റദ്ദാക്കാന്‍ കോടതിക്കു കഴിയില്ലെന്നും, കേവല ഭൂരിപക്ഷം ലഭിക്കാത്ത ഒരാളെ എങ്ങനെയാണ്‌ ഗവര്‍ണ്ണര്‍ മന്ത്രിസഭ രൂപീകരിക്കാന്‍ ക്ഷണിച്ചതെന്നതിനെക്കുറിച്ച്‌ പിന്നീട്‌ തീരുമാനിക്കാമെന്നും കോടതി വ്യക്തമാക്കി.
യെദ്യൂരപ്പ ഗവര്‍ണ്ണര്‍ക്കു നല്‍കിയ കത്ത്‌ അറ്റോര്‍ണി ജനറല്‍ കോടതിയില്‍ സമര്‍പ്പിച്ചു. കത്തില്‍ അംഗങ്ങളുടെ പേരല്ലാതെ ഒപ്പ്‌ ഉണ്ടായില്ല. അതിനാല്‍ കോടതി കത്ത്‌ വിശ്വാസത്തിലെടുത്തില്ലെന്നാണ്‌ സൂചന.തുടര്‍ന്നാണ്‌ വിശ്വാസ വോട്ടെടുപ്പ്‌ നടത്തിക്കൂടെയെന്നു കോടതി ചോദിച്ചത്‌. ഇതിനു കോണ്‍ഗ്രസും ജെ.ഡി.എസും തയ്യാറാവുകയും എത്രയും പെട്ടെന്നു തന്നെ നടത്തണമെന്നും ആവശ്യപ്പെട്ടു. എന്നാല്‍ കൂടുതല്‍ സമയം വേണമെന്ന്‌ ബി.ജെ.പി ആവശ്യപ്പെട്ടുവെങ്കിലും കോടതി അംഗീകരിച്ചില്ല. വിശ്വാസ വോട്ടു തേടു ന്നതുവരെ ആംഗ്ലോ ഇന്ത്യന്‍ പ്രതിനിധിയെ നോമിനേറ്റ്‌ ചെയ്യരുതെന്നും സുപ്രീംകോടതി ആവശ്യപ്പെട്ടു.
0 Comments