ആറാം ശമ്പള കമ്മീഷനനുസരിച്ചുള്ള ശമ്പളം അധ്യാപകര്‍ക്ക് നല്‍കാനാണ് ഈ തുക ഉപയോഗിക്കുകയെന്നും സര്‍ക്കാര്‍ വ്യക്തമാക്കി. 2016 ജൂണ്‍ മുതല്‍ 2018 ജനുവരി വരെ ഇടാക്കിയ അധിക ഫീസ് ഒന്‍പത് ശതമാനം പലിശ സഹിതം നല്‍കാനാണ് സര്‍ക്കാര്‍ ആവശ്യപ്പെട്ടിരിക്കുന്നത്. തലസ്ഥാന നഗരിയിലെ സ്വകാര്യ സ്‌കൂളുകളെ നിയന്ത്രിക്കുന്നതിനായുള്ള സര്‍ക്കാര്‍ ശ്രമങ്ങളുടെ ഭാഗമായി ഡെല്‍ഹി ഹൈക്കോടതിയുടെ റിപ്പോര്‍ട്ടിന് പിന്നാലെയാണ് പണം തിരിച്ചുപിടിക്കാന്‍ നടപടിയെടുത്തത്.
1169 സ്‌കൂളുകളുടെ കണക്കുകളാണ് ഇതുവരെ ഹൈക്കോടതി നിയമിച്ച സമിതി ഓഡിറ്റ് ചെയ്തത്. ഇതില്‍ കണ്ടെത്തിയ 575 സ്‌കൂളുകളാണ് ഫിസ് തിരിച്ച് നല്‍കേണ്ടത്. ഇതില്‍ വീഴ്ച വരുത്തിയാല്‍ അംഗീകാരം റദ്ദാക്കുന്നതടക്കമുള്ള കര്‍ശന നടപടിയ്ക്ക് സ്‌കൂളുകള്‍ വിധേയമാകേണ്ടി വരും. വിദ്യാഭ്യാസം പൂര്‍ണമായും സേവനമാണ് എന്ന കാഴ്ചപ്പാടില്‍ മുന്നോട്ടു പോകുന്ന സര്‍ക്കാര്‍ അധികാരത്തില്‍ വന്ന കാലം മുതല്‍ സ്വകാര്യ സ്‌കൂളുകളോട് സന്ധിയില്ലാത്ത സമരത്തിലാണ്.
സാമ്പത്തികമായി പിന്നാക്കം നില്‍ക്കുന്ന വിഭാഗത്തില്‍ പ്രവേശനം നേടിയ വിദ്യാര്‍ഥിക്ക് സൗജന്യ യൂണിഫോം നല്‍കാത്തതിന് ഒരു പ്രമുഖ സ്വകാര്യ സ്‌കൂളിന്റെ അംഗീകാരം ഈയിടെ ആം ആദ്മി സര്‍ക്കാര്‍ റദ്ദാക്കിയിരുന്നു. രാജ്യത്ത് സ്വകാര്യ സ്‌കൂളുകളില്‍ ജോലി ചെയ്യുന്ന അധ്യാപകര്‍ക്ക് പേ കമ്മീഷന്‍ റിപ്പോര്‍ട്ട് അനുസരിച്ച് ശമ്പളം നല്‍കണമെന്ന് നിഷ്‌കര്‍ഷിച്ചത്ആം ആദ്മി സര്‍ക്കാരാണ്. കേരളമടക്കമുള്ള ഏതാണ്ടെല്ലാ സംസ്ഥാനങ്ങളിലും 10000 ല്‍ താഴെ മാത്രമാണ് നിലവിലെ ശമ്പളം എന്ന കാര്യവും കൂടി ഇതിനോട് ചേര്‍ത്തു വായിക്കണം.
0 Comments