കാഞ്ഞങ്ങാട്: കാഞ്ഞങ്ങാട് നഗരത്തിലിപ്പോള്‍ കെ.എസ്.ടി.പി റോഡ് പ്രവര്‍ത്തി അവസാന ഘട്ടത്തിലാണ്. അത് ഏറെ ബാധിച്ചിരിക്കുന്നത് നഗരത്തിലെ കച്ചവടക്കാരെയാണ്. റമസാന്‍ വിപണിയുമായി ബന്ധപ്പെട്ട് സാധനങ്ങളും മറ്റും ഇറക്കി കച്ചവടം ചെയ്യാന്‍ രംഗത്തിറങ്ങിയിരിക്കുന്ന കച്ചവടക്കാര്‍ ഇപ്പോള്‍ ആകെ ബുദ്ധിമുട്ടിലാണ്. നാളുകള്‍ തോറും നീണ്ട കെ.എസ്.ടി.പി റോഡ് പ്രവര്‍ത്തി അവസാന ഘട്ടമെന്ന നിലയില്‍ നഗരത്തില്‍ ശക്തമായി നടക്കുമ്പോഴുണ്ടാകുന്ന ട്രാഫിക്ക് ജാമും കുടാതെ പൊടി പടലങ്ങളുമായി നഗരത്തില്‍ ആളുകള്‍ക്ക് എത്തിപ്പെടാന്‍ കഴിയാത്ത സ്ഥിതി വിശേഷമാണിപ്പോഴുള്ളത്. ഇത് നഗരത്തെ വലിയ രൂപത്തില്‍ ബാധിച്ചിരിക്കുകയാണ്. പതിനേഴ് ലക്ഷം രൂപയ്ക്ക് നഗരത്തില്‍ പുതുതായി കച്ചവടം തുടങ്ങിയ വ്യക്തിക്ക് ആദ്യ നോമ്പുകാലത്തുണ്ടാകണ്ടെ ബിസിനസില്‍ ഇരുപതിനായിരം രൂപ പോലും തികച്ച് കച്ചവടത്തില്‍ ലഭിക്കാത്ത അവസ്ഥയാണുള്ളത്. മാസങ്ങളും വര്‍ഷങ്ങളുമായി നീങ്ങുന്ന കെ.എസ്.ടി.പി പ്രവര്‍ത്തി റമസാന്‍ മാസത്തില്‍ അവസാനത്തതായി കൊണ്ടു വന്നതോടെയാണ് കാഞ്ഞങ്ങാട് നഗരത്തില്‍ ഇപ്പോള്‍ കച്ചവടം പകുതിയായി കുറഞ്ഞിരിക്കുന്നത്. റോഡ് വരണമെന്ന കാര്യത്തില്‍ ആര്‍ക്കും അഭിപ്രായ ഭിന്നതയില്ല. എന്നാല്‍ പകല്‍ നേരത്ത് വലിയ ട്രാഫിക്ക് ജാമും പൊടി പടലങ്ങളും ജനങ്ങള്‍ക്ക് സമ്മാനിക്കുന്ന റോഡ് പ്രവര്‍ത്തിയെ ആണ് കച്ചവടക്കാരും നാട്ടുക്കാരും എതിര്‍ക്കുന്നത്. രാത്രി സമയത്ത് കെ.എസ്.ടി.പി റോഡ് പ്രവര്‍ത്തി നടത്തിയാല്‍ മതിയല്ലോ എന്ന ചോദ്യമാണ് കാഞ്ഞങ്ങാട് നഗരത്തിലുള്ള കച്ചവടക്കാര്‍ പറയുന്നത്. അതേ സമയം കാഞ്ഞങ്ങാട് നഗരത്തിലെ അവസാന വട്ട റോഡ് പ്രവര്‍ത്തിയിലാണ് കെ.എസ്.ടി.പി അധികൃതര്‍.
0 Comments