കാഞ്ഞങ്ങാട്: ഹോസ്ദുര്‍ഗ് താലൂക്കില്‍ രണ്ട് ദിവസങ്ങളിലായി വീശിയടിച്ച കാറ്റില്‍ തകര്‍ന്ന് വീണത് 21 വീടുകള്‍. ഇന്നും ഇന്നലെയുമായി ഹോസ്ദുര്‍ഗ് താലൂക്ക് ഓഫിസില്‍ എത്തിയ കണക്കാണിത്. കാഞ്ഞങ്ങാട്ടെ വിനോദ് കെ.സി, ചിത്താരിയിലെ ജാനകി, പിലിക്കോട്ടെ കൊട്ടന്‍ എരവില്‍, പിലിക്കോട്ടെ തന്നെ ചന്തേരയിലെ ഗീത, സാവിത്രി, പ്ലായിക്കോട് കമ്പിലോട്ടെ സുനില്‍, കൊടക്കാട്ടെ കാര്‍ത്ത്യാനി, രവി കൃഷ്ണന്‍, രാമചന്ദ്രന്‍,വാര്യര്‍, വിലാസിനി, പത്മനാഭന്‍, അയ്യപ്പന്‍, ചീമേനിയി ലെ തമ്പാന്‍, കുഞ്ഞിരാമന്‍, ചെറുവത്തൂരിലെ യശോദ, കെ രാഘവന്‍ തുടങ്ങിയവരുടെ വീടുകളാണ് തകര്‍ന്നതായി ഹൊസ്ദുര്‍ഗ് താലൂക്ക് ഓഫിസില്‍ അറിയിച്ചിരിക്കുന്നത്. തകര്‍ന്ന വീടുകളുടെ നഷ്ടവും മറ്റ് നാശ നഷ്ടവും കണക്കാക്കി വരുന്നുണ്ട്. കുടാതെ ചീമേനിയിലെ അഹമ്മദ്കുഞ്ഞി വീടിന് മുകളില്‍ മരം വീണ് പരിക്കേറ്റിറ്റുമുണ്ട്.
0 Comments