റംസാൻ റിലീഫ് പാവങ്ങളുടെ അവകാശം: റിയാസ് അമലടുക്കം

അജാനൂർ: ഐ.എൻ.എൽ അജാനൂർ പഞ്ചായത്ത് മില്ലത്ത് സാന്ത്വനം മിഷൻ 20-20 കമ്മിററി റംസാൻ റിലീഫ് വിതരണം ചെയ്തു. പഞ്ചായത്ത് പരിധിയിലെ തിരഞ്ഞെടുക്കപ്പെട്ട 25  കുടുംബങ്ങൾക്കാണ് ഭക്ഷണ സാധനങ്ങളടങ്ങിയ റംസാൻ കിറ്റ് വിതരണം ചെയ്തത്. കാഞ്ഞങ്ങാട് മണ്ഡലം ഓഫീസിൽ വെച്ചു നടന്ന ചടങ്ങിൽ ഐ.എൻ.എൽ ജില്ലാ സെക്രട്ടറിയും പദ്ധതിയുടെ കൺവീനറുമായ റിയാസ് അമലടുക്കം ഐ.എം.സി.സി നേതാവ് ശംസുദ്ധീൻ മുട്ടുന്തലയ്ക്കു കൈമാറിക്കൊണ്ട് വിതരണ ഉദ്ഘാടനം നിർവ്വഹിച്ചു. റംസാൻ റിലീഫ് പാവങ്ങളുടെ അവകാശമാണെന്നും അവരുടെ ആത്മാഭിമാനത്തെ ബഹുമാനിച്ചു കൊണ്ട് ഒരിക്കലും അവകാശികളുടെ പേരോ ചിത്രങ്ങളോ പൊതു സമൂഹത്തെ അറിയിക്കാതെ മാതൃകപരമായാണ് റിലീഫ് പ്രവർത്തനം നടത്തുന്നതെന്നും അദ്ദേഹം അഭിപ്രായപെട്ടു.

പദ്ധതിയുടെ ചെയർമാൻ ഹാമിദ് മുക്കൂട്, ട്രെഷറർ ഗഫൂർ ബാവ, ശഫീഖ് കൊവ്വൽപ്പള്ളി, സി.എച്ച്. ഹസൈനാർ, പാറക്കെട്ട് കുഞ്ഞഹമ്മദ് ഹാജി, കെ.സി. മുഹമ്മദ്‌ കുഞ്ഞി, യു.വി. ഹുസൈൻ, കെ.എം. മുഹമ്മദ്‌,
സി.പി. ഇബ്രാഹിം, ശരീഫ് കൊളവയൽ തുടങ്ങിയവർ ചടങ്ങിൽ സംബന്ധിച്ചു