നിലവില് ഓരോ ഗ്രൂപ്പുകളില് ഉള്പ്പെടെ കാണുന്ന ദൈവങ്ങളെ താരതമ്യം ചെയ്യുകയും മുഹമ്മദ് നബിയെ ചിത്രീകരിക്കുകയും കളിയാക്കുകയും ചെയ്യുന്ന പോസ്റ്റുകള്, ത്രിവര്ണ പതാകയിലെ അശോക ചക്രത്തിന് പകരം ഗാന്ധിയെ പ്രതിഷ്ഠിക്കുന്ന ചിത്രങ്ങള്, ഇന്ത്യയില് കശ്മീരിന്റേയും അക്സായ് ചിനിന്റേയും ഭൂപടങ്ങള് തുടങ്ങിയവ നിയമവിരുദ്ധ ഉള്ളടക്കങ്ങളില് പെടും. കൂടാതെ കശ്മീര് വിഭജനത്തെ കുറിച്ചുള്ള പോസ്റ്റുകളും, കശ്മീരും സിയാച്ചിനും പാകിസ്താന്റേതാണെന്ന അവകാശവാദം എന്നിവയും നിയമവിരുദ്ധമാണ്. അക്സായ് ചിന്, അരുണാചല് പ്രദേശ്, അസം, നാഗാലാന്ഡ്, ത്രിപുര എന്നിവിടങ്ങളില് ചൈന ഉയര്ത്തുന്ന അവകാശവാദം എന്നിവയെ പിന്തുണയ്ക്കുന്ന പോസ്റ്റുകളും ഫെയ്സ്ബുക്കില് നിയമവിരുദ്ധമാണ്. ആസാദ് കശ്മീര്, ഫ്രീ കശ്മീര്, കാശ്മീര് പാകിസ്ഥാന്റേത് പോലുള്ള വാചകങ്ങളും ഫെയ്സ്ബുക്ക് നീക്കം ചെയ്യും.
ഇത്തരം ഉള്ളടക്കങ്ങള് ശ്രദ്ധയില് പെടുമ്പോള് വിശദ പരിശോധനകള്ക്ക് ശേഷം അവ ഫെയ്സ്ബുക്കില് അനുവദിക്കണോ വേണ്ടയോ എന്ന് തീരുമാനിക്കും. പ്രാദേശികമായി നിയമവിരുദ്ധമായ വിഷയങ്ങളുടെ അടിസ്ഥാനത്തിലാണ് ഫെയ്സ്ബുക്ക് പോസ്റ്റുകള് ഉന്നത പരിശോധനയ്ക്കായി നല്കുന്നത്. ഈ നടപടികള് ഉപയോക്താക്കളോ പ്രാദേശിക നിയമ നിര്വഹണ സംവിധാനങ്ങളോ അറിയില്ല. കൃത്യമായ പരിശോധനകള് കൂടാതെ ഉള്ളടക്കങ്ങള്ക്ക് വിലക്കേര്പ്പെടുത്തില്ല.
0 Comments:
ഒരു അഭിപ്രായം പോസ്റ്റ് ചെയ്യൂ