ബേങ്ക് വായ്പ ലഭിക്കുന്നതിന്, ആധാരത്തില് നിലം എന്നത് പുരയിടം എന്നാക്കി മാറ്റിനല്കണമെന്ന് ചൂണ്ടിക്കാട്ടിയാണ് സജീവന് വിവിധ സര്ക്കാര് ഓഫീസുകള് കയറിയിറങ്ങിയത്.
കുടുംബത്തിലെ വിവിധ ആവശ്യങ്ങള്ക്കായി പലയിടത്തു നിന്നും സജീവന് കടംവാങ്ങിയിരുന്നു. ഒടുവില് പുരയിടം പണയംവെച്ച് വായപെയടുത്ത് കടം വീട്ടാന് ആധാരവുമായി ബേങ്കിലെത്തി. അപ്പോഴാണ് ആധാരത്തില് നിലം എന്ന് രേഖപ്പെടുത്തിയത് ശ്രദ്ധയില്പെട്ടത്. പുരയിടം എന്നാക്കിയാലെ ബേങ്ക് വായ്പ ലഭിക്കൂവെന്നറിഞ്ഞതോടെ ഇതിനായി ശ്രമിക്കുകയായിരുന്നു.
വില്ലേജ് ഓഫീസ്, പഞ്ചായത്ത് ഓഫീസ്, താലൂക്ക് ഓഫീസ് , ഫോര്ട്ടുകൊച്ചിയിലെ ആര് ഡി ഓ ഓഫീസ് ഇവിടങ്ങളിലെല്ലാം ഇതിനായി കയറിയിറങ്ങി. ഒടുവില് കഴിഞ്ഞ ദിവസം ആര് ഡി ഓഫീസിലെത്തിയപ്പോള് അപമാനിച്ച് ഇറക്കിവിട്ടെന്ന് ബന്ധുക്കള് പറയുന്നു. തുടര്ന്ന് ഏറെ വിഷമയത്തോടെ വീട്ടിലെത്തിയ സജീവന് പുരയിടത്തിലെ മരക്കൊമ്പില് ജീവനൊടുക്കുകയായിരുന്നെന്ന് ബന്ധുക്കള് പറഞ്ഞു.
0 Comments