നോർത്ത് ചിത്താരി മുസ്ലിം ജമാ അത്ത് ഭാരവാഹി, മുസ്ലിം ലീഗ് ശാഖാ ഭാരവാഹി, എസ് വൈ എസ് അജാനൂർ പഞ്ചായത്ത് ഭാരവാഹി എന്നീ നിലകളിൽ പ്രവർത്തിച്ച് വരികയായിരുന്നു.
വളരെ സൗമ്യനായി പെരുമാറുന്നതായിരുന്നു അബൂബക്കർ ഹാജിയുടെ ശൈലി. അവിടെ വലിപ്പച്ചെറുപ്പമെന്ന വേർതിരിവിന് സ്ഥാനമില്ല. വ്യക്തമായ നിലപാടുകളും രാഷ്ട്രീയവും ഉണ്ടെങ്കിലും എതിർ ചേരിയിൽ ഉള്ളവരെപോലും ഏറെ ബഹുമാനത്തോടെയാണ് അദ്ദേഹം കണ്ടിരുന്നത്. മരണ വാർത്ത അറിഞ്ഞത് മുതൽ വൻ ജനാവലിയാണ് അദ്ദേഹത്തിന്റെ മൃതദേഹം സൂക്ഷിച്ച മൻസൂർ ആശുപത്രിയിലും വീട്ടിലും ഒഴുകിയെത്തിയത്.
ഇന്ന് ഉച്ചക്ക് രണ്ടര മണിയോടെ നോർത്ത് ചിത്താരി ജുമാ മസ്ജിദിൽ നടന്ന മയ്യത്ത് നിസ്കാരത്തിലും ഖബറടക്കത്തിലും പങ്കുകൊണ്ട ജനസഞ്ചയം അബൂബക്കർ ഹാജിയുടെ മഹത്വം വിളിച്ചോതുന്നു. മയ്യത്ത് നിസ്കാരത്തിന് മകൻ നിസാമുദ്ധീൻ നേതൃത്വം നൽകി.
ഭാര്യ: സൗദ. മക്കൾ: ഹനീഫ , ഷരീഫ്, സലീം, മുനീർ എഞ്ചിനീയർ, നിസാമുദ്ധീൻ, മുജീബ്, ബാസിത്ത്, തസ്നി . മരുമക്കൾ: ഫർദാന,തസ്‌ലീമ, റിസ്വാന, ഷബ്ന , തസ്മിയ , ഷഫീക്ക്, ഷഹാന. സഹോദരങ്ങൾ: കുഞ്ഞഹമ്മദ് , അബ്ദുറഹ്മാൻ, സി.എച്ച്. മൊയ്തീൻ, ഖദീജ.
0 Comments