കാഞ്ഞങ്ങാട്: രണ്ട് ദിവസങ്ങളിലായി നീണ്ടുനിൽക്കുന്ന 26 മത് സംസ്ഥാന സബ്ജൂനിയർ ആൻഡ് കിഡ്ഡീസ് തായ്ക്വോണ്‍ഡോ ചാമ്പ്യന്‍ഷിപ്പിന് കാഞ്ഞങ്ങാട് ദുർഗ്ഗ ഹയർ സെക്കൻഡറി സ്കൂളിൽ തുടക്കമായി. സംസ്ഥാന തായ്ക്വോണ്‍ഡോ അസോസിയേഷനും കാസർഗോഡ് ജില്ല അമേച്ചർ തായ്ക്വോണ്‍ഡോ അസോസിയേഷനും സംയുക്തമായി നേതൃത്വം നൽകുന്ന മർഹൂം കൂളിക്കാട് കുഞ്ഞബ്ദുള്ള ഹാജി മെമ്മോറിയൽ ട്രോഫിക്ക് വേണ്ടിയുള്ള 26 മത് കേരള സംസ്ഥാന സബ്ജൂനിയർ ആൻഡ് കിഡ്ഡീസ് തായ്ക്വോണ്‍ഡോ ചാമ്പ്യൻഷിപ്പിന്റെ ഉദ്ഘാടനം കാഞ്ഞങ്ങാട് നഗരസഭ ചെയർപേഴ്സൺ കെ. വി. സുജാത നിർവഹിച്ചു.
കേരള തായ്ക്വോണ്‍ഡോ അസോസിയേഷൻ പ്രസിഡണ്ട് ഡോക്ടർ കെ. വാസുകി ഐ.എ.എസ് അധ്യക്ഷത വഹിച്ചു. കേരള തായ്ക്വോണ്‍ഡോ അസോസിയേഷൻ ജനറൽ സെക്രട്ടറിമാസ്റ്റർ വി. രതീഷ് ആമുഖഭാഷണം നടത്തി. കാഞ്ഞങ്ങാട് നഗരസഭ വാർഡ് കൗൺസിലർ എൻ. അശോക് കുമാർ, ജില്ലാ സ്പോർട്സ് കൗൺസിൽ വൈസ് പ്രസിഡണ്ട് പി. പി. അശോകൻ, ജില്ലാ ഒളിമ്പിക് കമ്മിറ്റി സെക്രട്ടറി എം. അച്യുതൻ, കേരള തായ്ക്വോണ്‍ഡോ അസോസിയേഷൻ സി.ഇ.ഒ മാസ്റ്റർ ബി. അജി, ദുർഗ്ഗ ഹയർസെക്കൻഡറി സ്കൂൾ പ്രധാന അധ്യാപകൻ വിനോദ് കുമാർ മേലത്ത്, ദുർഗ ഹയർസെക്കൻഡറി സ്കൂൾ പ്രിൻസിപ്പാൾ ഡോക്ടർ എൻ. വേണുനാഥ്, കേരള തായ്ക്വോണ്‍ഡോ അസോസിയേഷൻ ജോയിന്റ് സെക്രട്ടറി മാസ്റ്റർ എം. കുഞ്ഞബ്ദുള്ള, കാസർഗോഡ് ജില്ല അമേച്ചർ തായ്ക്വോണ്‍ഡോ അസോസിയേഷൻ വൈസ് പ്രസിഡണ്ട് മാസ്റ്റർ രഞ്ജിത്ത് കുമാർ, ജോയിന്റ് സെക്രട്ടറി മാസ്റ്റർ എം. ഷാജി, പ്രസിഡന്റ് മാസ്റ്റർ വി.വി. മധു എന്നിവർ സംസാരിച്ചു. സംഘാടക സമിതി ജനറൽ കൺവീനർ കെ. വിജയകൃഷ്ണൻ സ്വാഗതവുംകാസർകോട് ജില്ല അമേച്ചർ തായ്ക്വോണ്‍ഡോ അസോസിയേഷൻ ട്രഷറർ മാസ്റ്റർ എം. അഷ്റഫ് നന്ദിയും പറഞ്ഞു.
കേരള തായ്ക്വോണ്‍ഡോ അസോസിയേഷന്റെയും കേരള സ്റ്റേറ്റ് സ്പോർട്സ് കൗൺസിലിന്റെയും അംഗീകാരത്തോടെ നടത്തുന്ന മേളയിൽ കേരളത്തിലെ 14 ജില്ലകളിൽ നിന്നുമായി 650 ഓളം കായ്താരങ്ങൾ പങ്കെടുക്കുന്നു. മേള ഞായറാഴ്ച സമാപിക്കും. സമാപന പരിപാടി കാഞ്ഞങ്ങാട് എം.എൽ.എ ഇ. ചന്ദ്രശേഖരൻ ഉദ്ഘാടനം ചെയ്യും. കാസർഗോഡ് ജില്ലാ സ്പോർട്സ് കൗൺസിൽ പ്രസിഡണ്ട് ഹബീബ് റഹ്മാൻ മുഖ്യാതിഥിയായി പങ്കെടുക്കും.
0 Comments