സംസ്ഥാനത്ത് ഉഷ്ണതരംഗ മുന്നറിയിപ്പ് പിന്വലിച്ചു കാലാവസ്ഥ നിരീക്ഷണ കേന്ദ്രം. ഉയര്ന്ന താപനില മുന്നറിയിപ്പ് തുടരും. കാസര്കോട്, കണ്ണൂര് ജില്ലകളില് 38 ഡിഗ്രി സെല്ഷ്യസ് താപനിലവരെയുണ്ടാകും. മലപ്പുറം, തൃശൂര്, പാലക്കാട്, കോട്ടയം, കൊല്ലം, ജില്ലകളില് 37 ഡിഗ്രി വരെയും താപനില ഉയരാമെന്നാണ് മുന്നറിയിപ്പ്. കോഴിക്കോട്, എറണാകുളം, പത്തനംതിട്ട, ആലപ്പുഴ ജില്ലകളില് ഉയര്ന്ന താപനില 36 ഡിഗ്രി സെല്ഷ്യസ് വരെയാകാം. ഈ ദിവസങ്ങളില് സംസ്ഥാനത്ത് സാധാരണയെക്കാള് 2 മുതല് 3 ഡിഗ്രി സെല്ഷ്യസ് വരെ താപനില ഉയരാന് സാധ്യതയുണ്ടെന്നാണ് മുന്നറിയിപ്പ്.
സൂര്യാഘാത, സൂര്യതാപ സാധ്യതകള് കണക്കിലെടുത്ത് പൊതുജനം ജാഗ്രത പാലിക്കണമെന്നും നിര്ദേശമുണ്ട്. പകല് 11 മുതല് 3 മണി വരെ സൂര്യപ്രകാശം ശരീരത്തില് നേരിട്ട് ഏല്ക്കുന്നത് ഒഴിവാക്കണമെന്നാണ് നിര്ദ്ദേശം.
കൊടും ചൂടില് നിന്ന് ആശ്വാസമായി സംസ്ഥാനത്ത് വെള്ളിയാഴ്ച മുതല് വേനല് മഴയെത്തുമെന്ന് കേന്ദ്ര കാലാവസ്ഥാ വകുപ്പ് അറിയിച്ചിട്ടുണ്ട്. ഇതിന്റെ ഭാഗമായി വെള്ളി, ശനി, ഞായര് ദിവസങ്ങളില് വിവിധ ജില്ലകളില് മഞ്ഞ അലര്ട്ട് പ്രഖ്യാപിച്ചു. വെള്ളി, ശനി ദിവസങ്ങളില് തിരുവനന്തപുരം, കൊല്ലം, പത്തനംതിട്ട ജില്ലകളിലും ഞായറാഴ്ച കോഴിക്കോട്, കണ്ണൂര് ജില്ലകളിലുമാണ് മഞ്ഞ അലര്ട്ട്.
0 Comments:
ഒരു അഭിപ്രായം പോസ്റ്റ് ചെയ്യൂ