പാപ്പാനെ തുമ്പികൈ കൊണ്ടു തട്ടിയിട്ടു കൊന്നു: ഗണേഷ് കുമാറിന്റെ ആന കസ്റ്റഡിയില്‍

കെ ബി ഗണേഷ് കുമാറിന്റെ ആനയെ പോലീസ് കസ്റ്റഡിയില്‍ എടുത്തു. പുത്തന്‍വേലിക്കര കുരുന്നിലയ്ക്കല്‍ ക്ഷേത്രത്തില്‍ ഉത്സവത്തിനിടയില്‍ എം എല്‍ എ ഗണേഷ് കുമാറിന്റെ ഉടമസ്ഥതയില്‍ ഉള്ള കീഴൂട്ട് വിശ്വനാഥന്‍ എന്ന ആന, പാപ്പാനെ തുമ്പികൈ കൊണ്ട് ഉപദ്രവിച്ച കൊന്നിരുന്നു. കോട്ടയം തിരുവാര്‍പ്പ് കീളിരൂര്‍ നോര്‍ത്ത് കളരിപറമ്പില്‍ ചന്ദ്രന്റെ മകന്‍ ബിനു കുമാറാണ്(32) മരിച്ചത്.

കുളിപ്പിക്കാന്‍ കൊണ്ടും പോകും വഴിയാണു ബിനുകുമാറിനെ ആന തുമ്പികൈ കൊണ്ടു തട്ടിയിട്ടത്. ഉടന്‍ തന്നെ ആശുപത്രിയില്‍ എത്തിച്ചു എങ്കിലും രക്ഷിക്കാന്‍ കഴിഞ്ഞില്ല. വിവരം അറിഞ്ഞു സ്ഥലത്ത് എത്തിയ ഉത്സവകമ്മറ്റിക്കാര്‍ ബുക്ക് ചെയ്ത ആനകളില്‍ ഈ ആന ഇല്ലായിരുന്നു എന്നും പകരമായി കൊണ്ടു വന്നതാണു വിശ്വനാഥനെ എന്നും പറയുന്നു.

വനംവകുപ്പു നടത്തിയ പരിശോധനയില്‍ ആനയെ എഴുന്നള്ളിക്കാന്‍ വനം വകുപ്പിന്റെ അനുമതി വാങ്ങിയിട്ടില്ലായിരുന്നു എന്നും കണ്ടെത്തി. ഇതോടെ ഒന്നാം പാപ്പനെ കസ്റ്റഡിയില്‍ എടുത്തു.സംഭവത്തില്‍ ആനയേയും പോലീസ് കസ്റ്റഡിയില്‍ എടുത്തു.