സ്ത്രീകളുടെ ലൈംഗിക താല്പര്യങ്ങളെക്കുറിച്ചും വൈവാഹിക ജീവിത്തില് അവരനുഭവിക്കുന്ന അടിച്ചമര്ത്തലുകളെക്കുറിച്ചും തുറന്നെഴുതിയ കമലാ ദാസ് എന്ന കമല സുരയ്യ ഇന്തോ -ഇംഗ്ലീഷ് എഴുത്തുകാരി എന്ന നിലയ്ക്ക് മാത്രമല്ല, മലയാള വായനാക്കാര് കൂടി നെഞ്ചേറ്റിയ നിരവധി കഥകളുടെ സൃഷ്ടാവ് കൂടിയാണ്.
മലയാളത്തിലും ഇംഗ്ലീഷിലുമായി കവിത, ചെറുകഥ, ജീവചരിത്രം എന്നിങ്ങനെ നിരവധി സാഹിത്യസൃഷ്ടികള് കമലയുടേതായുണ്ട്. 1999ൽ ഇസ്ലാം മതം സ്വീകരിച്ച് കമല സുരയ്യ എന്ന പേര് സ്വീകരിക്കുന്നതിന് മുന്പ് ഇംഗ്ലീഷീല് കമലാ ദാസ് എന്ന പേരിലും മലയാളത്തില് മാധവിക്കുട്ടി എന്ന പേരിലുമാണ് കമല രചനകള് നടത്തിയിരുന്നത്.
മാധവിക്കുട്ടിയുടെ ജീവിതത്തെ ആസ്പദമാക്കി മഞ്ജു വാര്യരെ നായികയാക്കി കമല് സംവിധാനം ചെയ്യുന്ന ആമി എന്ന ചിത്രം റിലീസിനൊരുങ്ങിക്കൊണ്ടിരിക്കുകയാണ്. ഇതിനിടെയാണ് കമലയെ ആദരിച്ചുകൊണ്ടുള്ള ഗൂഗിള് ഡൂഡില് ഇറങ്ങിയിരിക്കുന്നത്.
0 Comments:
ഒരു അഭിപ്രായം പോസ്റ്റ് ചെയ്യൂ