മില്ലത്ത് സാന്ത്വനം മിഷൻ ടി ട്വന്‍റി ലോഗോ പ്രകാശനം ചെയ്തു

കാഞ്ഞങ്ങാട് : മെഹബൂബെ മില്ലത്ത് അൽ ഹാജി ഇബ്രാഹിം സുലൈമാൻ സേട്ടു സാഹിബിന്റെ നാമധേയത്തിൽ ഐ .എൻ .എൽ അജാനൂർ പഞ്ചായത്ത് കമ്മിറ്റി നടപ്പിലാക്കുന്ന മില്ലത്ത് സാന്ത്വനം മിഷൻ ടി ട്വൻറി ലോഗോ വൈദ്യുത മന്ത്രി എം .എം .മണി പ്രകാശനം ചെയ്തു .          സമൂഹത്തിലെ പാവങ്ങളുടെ കണ്ണീരു ഒപ്പുന്നതിനു വേണ്ടി ഓരോ മാസവും നടപ്പിലാക്കുന്ന റേഷൻ പദ്ധതി , തെരുവിന്റെ മക്കൾക്ക് ഓരോ മാസവും പൊതിച്ചോർ വിതരണം , വാർധക്യ പെൻഷൻ , രോഗികൾക്കുള്ള ചികിത്സ സഹായം , തൊഴിൽ ഉപകരണ വിതരണം , വിദ്യാഭ്യാസ സ്കോളർഷിപ് , മഹർ സമൂഹ വിവാഹം തുടങ്ങി ഓരോ മാസവും അരലക്ഷത്തോളം രൂപ ചിലവിട്ടു മൂന്നു വർഷം നീണ്ടു നിൽക്കുന്ന ബൃഹത്തായ കാരുണ്യ പദ്ധതിക്കാണ് രൂപം നൽകിയിട്ടുള്ളത് .
               കാഞ്ഞങ്ങാട് ഗസ്റ്റ് ഹൌ സിൽ വെച്ച് നടന്ന ചടങ്ങിൽ കാഞ്ഞങ്ങാട് മുനിസിപ്പാലിറ്റി ചെയർമാൻ വി .വി .രമേശൻ , മില്ലത്ത് സാന്ത്വനം ചെയർമാൻ ഹാമിദ് മുക്കൂട് , കൺവീനർ റിയാസ് അമലടുക്കം, വൈസ് ചെയർമാൻ ഗഫൂർ ബാവ , ഐ .എൻ .എൽ കാഞ്ഞങ്ങാട് മണ്ഡലം പ്രസിഡന്റ് ബിൽടെക് അബ്ദുള്ള, സെക്രട്ടറി റഹ്മാൻ കൊളവയൽ , ട്രെഷറർ സി .എച് .ഹസൈനാർ , അജാനൂർ പഞ്ചായത്ത് സെക്രട്ടറി കെ .സി .മുഹമ്മദ് കുഞ്ഞി , ട്രെഷറർ കെ .  എം . മുഹമ്മദ് , ഇബ്രാഹിം സി .പി , യു . വി .ഹുസൈൻ , റഫീഖ് കൊത്തിക്കാൽ എന്നിവർ സംബന്ധിച്ചു.