കോഴിക്കോട്: സംസ്ഥാനത്ത് നിപ വൈറസ് ബാധിച്ച 13 പേരില്‍ 11 പേര്‍ മരിച്ചതായി സ്ഥീകരണം. രണ്ടു പേര്‍ അതീവ ഗുരുതരാവസ്ഥയില്‍ ചികിത്സയിലാണ്. നിപ വൈറല്‍ ലക്ഷണങ്ങളുമായി 22 പേര്‍ വിവിധ ആശുപത്രികളില്‍ ചികിത്സയിലാണ്. കോഴിക്കോട് ജില്ലയിലെ വിവിധ മേഖലകളിലാണ് നിപ വൈറസ് റിപ്പോര്‍ട്ട് ചെയ്തിരിക്കുന്നത്. മലപ്പുറത്ത് നിപ ബാധിച്ച് മരിച്ച രണ്ടു പേര്‍ക്കും കോഴിക്കോട്ട് നിന്നാണ് രോഗം ബാധിച്ചതെന്നും സ്ഥിരീകരണമുണ്ട്.
അതേസമയം, നിപയെ നേരിടാനുള്ള നടപടി സര്‍ക്കാര്‍ ഊര്‍ജിതമാക്കി. പനിക്കുള്ള 'റിബവൈറിന്‍' കോഴിക്കോട് മെഡിക്കല്‍ കോളജ് ആശുപത്രിയില്‍ എത്തിച്ചു. 2000 ഗുളികകളാണ് എത്തിച്ചത്. ബാക്കിയുള്ളവ വരും ദിവസങ്ങളില്‍ കൊണ്ടുവരുമെന്നും അധികൃതര്‍ വ്യക്തമാക്കി.
എന്നാല്‍, നിപ വൈറസിന്റെ ഉറവിടം വവ്വാലുകളാണെന്ന് സ്ഥിരീകരിച്ചിട്ടില്ലെന്ന് വനംമന്ത്രി കെ.രാജു പറഞ്ഞു.
0 Comments