കുതിച്ചു കയറുന്ന പെട്രോള്‍ വില: കേന്ദ്രം എക്‌സൈസ് തീരുവ കുറച്ചേക്കും

ന്യൂഡല്‍ഹി: പെട്രോള്‍, ഡീസല്‍ വില തുടര്‍ച്ചയായ പതിനൊന്നാം ദിവസവും ഉയരുന്ന സാഹചര്യത്തില്‍ എക്‌സൈസ് തീരുവ ഇനത്തില്‍ നാലു രൂപവരെ കുറയ്ക്കാന്‍ കേന്ദ്ര സര്‍ക്കാര്‍ തയ്യാറായേക്കാമെന്ന് സൂചന. പെട്രോളിന്റെയും ഡീസലിന്റെയും വില എക്കാലത്തേയും ഉയര്‍ന്ന നിരക്കിലേയ്ക്ക് എത്തി നില്‍ക്കുന്ന സാഹചര്യത്തിലാണ് തീരുവ കുറയ്ക്കുന്ന കാര്യം പരിഗണിക്കുന്നത്.

പെട്രോളിയം മന്ത്രി ധര്‍മേന്ദ്ര പ്രധാന്‍ ഓയില്‍ മാര്‍ക്കറ്റിങ് കമ്പനികളുമായി കൂടികാഴ്ച നടത്തും. രാജ്യമെങ്ങും പ്രതിഷേധം ഉയരുമ്പോഴും അതൊന്നും കണക്കിലെടുക്കാതെ വില ഉയര്‍ത്തുകയാണ്. തിരുവനന്തപുരത്ത് പെട്രോളിന് 81.31 രൂപയും ഡീസലിന് 74. 16 രൂപയുമാണ്.