കാഞ്ഞങ്ങാട്: എസ് ടി യു മാണിക്കോത്ത് യൂണിറ്റ് പെതുസമ്മേളനം ഇന്ന് വൈകിട്ട് മാണിക്കോത്ത് മഡിയൻ ജംങ്ങ്ക്ഷനിൽ മർഹും സീതി സാഹിബ് നഗരിയിൽ വെച്ച് നടക്കും. വൈകിട്ട് നടക്കുന്ന പൊതു സമ്മേളത്തിന്റെ ഉദ്ഘാടനം എസ് ടി യു ദേശീയ ജനറൽ സെക്രട്ടറി അഡ്വക്കറ്റ് റഹ്മത്തുള്ള നിർവ്വഹിക്കും. കരീം മൈത്രി അദ്ധ്യക്ഷത വഹിക്കും. അഹമ്മദ് കപ്പണക്കാൽ സ്വാഗതം പറയും, എസ് ടി യു ഭാരവാഹിത്വത്തിൽ നാൽപത് വർഷം തികയുന്ന
മുസ്ലിം ലീഗ് കാസർഗോഡ് ജില്ലാ ജനറൽ സെക്രട്ടറിയും, എസ് ടി യു ദേശീയ സെക്രട്ടറിയുമായ എ.അബ്ദുൽ റഹ്മാനെ അനുമോദിക്കുകയും മുഖ്യ പ്രഭാഷണം നടത്തുകയും ചെയ്യും.
സുമനസുകളുടെ സഹകരണത്തോടെ എസ് ടി യു മാണിക്കോത്ത് യൂണിറ്റ് കൈത്താങ്ങായി പണി പൂർത്തിയാക്കി നൽകുന്ന വീടിന്റെ താക്കോൽ ദാന കർമ്മം ചടങ്ങിൽ വെച്ച് മുസ്ലിം ലീഗ് സംസ്ഥാന പ്രവർത്തക സമിതി അംഗം മെട്രോ മുഹമ്മദ് ഹാജി നിർവ്വഹിക്കും.
രാത്രി ഏഴ് മണിക്ക് സൈക്കോളജിസ്റ്റ് ഡോ: ബി.എം.മുഹ്സിൻ കുടുബ ജീവിതം ആധുനിക യുഗത്തിൽ എന്ന വിഷയത്തിൽ ഫാമിലി കൗൺസിലിംങ്ങ് ക്ലാസിന് നേതൃത്വം നൽകും. പരിപാടിയിൽ യൂണിറ്റ് ട്രഷർ എം.എ മൊയ്തീൻ നന്ദി പറയുകയും എസ് ടി യു വിന്റെയും മുസ്ലിം ലീഗിന്റെയും യൂത്ത് ലീഗിന്റെയും സംസ്ഥാന, ജില്ലാ, മണ്ഡലം, പഞ്ചായത്ത്, വാർഡ് തല നേതാക്കൻമാരും, പ്രദേശത്തെ ജീവകാരുണ്യ പ്രവർത്തകർ, ക്ലബ്ബ് , വിവിധ ചാരിറ്റി സംഘടനാ ഭാരവാഹികൾ, നാടിന്റെ വികസനത്തിന് വേണ്ടി പ്രവർത്തിച്ചവരും സംബന്ധിക്കും.

0 Comments