എസ്.ടി.യു മാണിക്കോത്ത് യൂണിറ്റ് സമ്മേളനം സമാപിച്ചു: ഭവന താക്കോൽ കൈമാറി

കാഞ്ഞങ്ങാട്: മാണിക്കോത്ത് രണ്ട് ദിവസങ്ങളിലായിട്ട് മഡിയൻ ജംഗ്ഷനില്‍ മർഹും സീതി സാഹിബ് നഗരിയിൽ സംഘടിപ്പിച്ച എസ്.ടി.യു മാണിക്കോത്ത് യൂണിറ്റ് സമ്മേളനം സമാപിച്ചു. സമാപന പൊതു സമ്മേളനത്തിന്റെ   ഉദ്ഘാടനം എസ്.ടി.യു ദേശീയ ജനറൽ സെക്രട്ടറി അഡ്വക്കറ്റ് റഹ്മത്തുള്ള നിർവ്വഹിച്ചു. എസ്.ടി.യു ഭാരവാഹിത്വത്തിൽ നാൽപത് വർഷം തികയുന്ന മുസ്ലിം ലീഗ് കാസർഗോഡ് ജില്ലാ ജനറൽ  സെക്രട്ടറിയും, എസ്.ടി.യു ദേശീയ സെക്രട്ടറിയുമായ എ.അബ്ദുൽറഹ്മാന് യൂണിറ്റ് കമ്മിറ്റിയുടെ ഉപഹാരം അഡ്വക്കറ്റ് റഹ്മത്തുള്ള നൽകി അനുമോദിച്ചു.


സുമനസുകളുടെ സഹകരണത്തോടെ എസ്.ടി.യു മാണിക്കോത്ത് യൂണിറ്റ് കൈത്താങ്ങായി പണി പൂർത്തിയാക്കി നൽകുന്ന വീടിന്റെ താക്കോൽദാന കർമ്മം മുസ്ലിം ലീഗ് സംസ്ഥാന  പ്രവർത്തക സമിതി അംഗം മെട്രോ മുഹമ്മദ് ഹാജി എസ്.ടി.യു ജില്ലാ സെക്രട്ടറി ഷരീഫ് കൊടുവഞ്ചിക്ക് നൽകിനിർവ്വഹിച്ചു.

ചടങ്ങിൽ വെച്ച് രാഷ്ട്രീയ സാമൂഹിക മേഖലകളിൽ തന്റെതായ വ്യക്തി മുദ്ര പതിപ്പിച്ച മെട്രോ മുഹമ്മദ് ഹാജിക്കും,  മാണിക്കോത്ത് മുസ്ലിം ജമാഅത്തിന്റെ കീഴിൽ പ്രവർത്തിക്കുന്ന കെ.എച്ച്.എം ഇംഗ്ലീഷ് മീഡിയം സൂകൂളിൽ മികച്ച പ്രവർത്തനങ്ങൾ കാഴ്ച്ച വെച്ച് കൊണ്ടിരിക്കുന്ന ഷംസുദ്ധീൻ മാണിക്കോത്തിനും എം.എ  അബ്ദുൽ റഹ്മാനിനും, ജീവ കാരുണ്യ പ്രവർത്തനങ്ങളിൽ മാതൃകയായി മാറിയ ഖിദ്മ ഗ്രീൻ ചാരിറ്റബിൾ സെന്റർ മാണിക്കോത്തിനും, ഖുർആൻ മനപ്പാഠമാക്കി കൊണ്ടിരിക്കുന്ന അക്ബലറി എം.എക്കും ഉപഹാരം നൽകി അനുമോദിച്ചു. കരീം മൈത്രി അദ്ധ്യക്ഷത വഹിച്ചു. അഹമ്മദ് കപ്പണക്കാൽ സ്വാഗതം പറഞ്ഞു. എം.എ. മൊയ്തീൻ, വൺ ഫോർ അബുദുൽറഹ്മാൻ, ഷെരീഫ് കൊടവഞ്ചി, ബഷീർ വെള്ളിക്കോത്ത്, മുബാറക്ക് ഹസൈനാർ ഹാജി, സി വി സുരേശൻ, നൗഷാദ് എം.പി , സലീം ബാരിക്കാട്, കുഞ്ഞഹ്മദ് കല്ലൂരാവി,  എം.എ അബ്ദുൽ റഹ്മാൻ, പി.വി ഷംസുദ്ധീൻ, കരീം കുശാൽ നഗർ, ജാഫർ മൂവാരിക്കുണ്ട്,  ടി.എ മൊയ്തു ഹാജി, മുഹമ്മദ് സുലൈമാൻ, ബക്കർ ഖാജ എന്നിവർ സംസാരിച്ചു.

സൈക്കോളജിസ്റ്റ് ഡോ: ബി.എം  മുഹ്സിൻ 'കുടുബ ജീവിതം ആധുനിക യുഗത്തിൽ' എന്ന വിഷയത്തിൽ ഫാമിലി കൗൺസിലിംങ്ങ് ക്ലാസിന് നേതൃത്വം നല്‍കി.