എസ്.എസ്.എല്‍.സി വിജയം നേടിയ വിദ്യാർഥികളെ നാഷണൽ സ്റ്റുഡന്റസ് ലീഗ് അനുമോദിച്ചു

പളളിക്കര: മൗവ്വൽ ശാഖ  ഇന്ത്യൻ നാഷണൽ ലീഗ്, ഐ.എം.സി.സി, നാഷണൽ സ്റ്റുഡന്റ്സ്  ലീഗ്  സംയുക്തമായി മൗവ്വൽ പ്രദേശത്തെ 2017-18 അധ്യയന വർഷത്തെ എസ്.എസ്.എല്‍.സി പരീക്ഷയില്‍ വിജയം നേടിയ വിദ്യാർത്ഥികളെ  അനുമോദിച്ചു . ഐ എൻ എൽ മൗവ്വൽ ശാഖ സെക്രട്ടറി സാജിദ് മൗവ്വൽ അധ്യക്ഷത വഹിച്ചു. ഐ.എൻ.എൽ ജില്ലാ സെക്രട്ടറി റിയാസ് അമലടുക്കം ഉദ്ഘാടനം ചെയ്തു. ഐ.എൻ.എൽ സംസ്ഥാന കൗൺസിൽ അംഗം ഷഫീക്ക് കൊവ്വൽപള്ളി ആശംസകൾ അർപ്പിച്ചു.  ഐ.എൻ.എൽ പള്ളിക്കര പഞ്ചായത്ത് സെക്രട്ടറി അബ്ദുൽ റഹ്മാൻ ഹദാദ് നഗർ വിദ്യാർഥികളെ അനുമോദിച്ചു. പി.എസ്.സി പരീക്ഷയുടെ പ്രാധാന്യത്തെ കുറിച്ചും, കരിയർ തിരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങളെ കുറിച്ചും റിയാസ് അമലടുക്കം ഉദ്ഘാടനപ്രസംഗത്തിൽ പരാമർശിച്ചു .

ഐ.എൻ.എൽ,  നാഷണൽ സ്റ്റുഡന്റ്സ് ലീഗ് ഭാരവാഹികളായ അഷ്റഫ് ബേക്കൽ, ഹനീഫ് മൗവ്വൽ, ഷെരീഫ് മൗവ്വൽ, അബൂബക്കർ ഗാസ, ഇല്ലൃസ് മീത്തൽ മൗവ്വൽ, ആസിഫ് മൗവ്വൽ, അഫ്സൽ മൗവ്വൽ, താജുദീൻ ഗാസ തുടങ്ങിയവരാണ് വിദ്യാർത്ഥികളെ മൊമെന്റൊ നൽകി അനുമോദിച്ചത്.