രാവിലെ പതിനൊന്നിനാണ് സഭ ചേരുക. പ്രോടേം സ്പീക്കര്‍ക്ക് മുമ്പാകെ അംഗങ്ങള്‍ സത്യപ്രതിജ്ഞ ചെയ്യും. വൈകീട്ട് നാലിന് മുമ്പ് ഇത് പൂര്‍ത്തിയാക്കണം. നാലിന് യെദ്യൂരപ്പ സര്‍ക്കാരിന്റെ ഭാവി നിശ്ചയിക്കുന്ന നിര്‍ണായകമായ വിശ്വാസവോട്ടെടുപ്പ് നടക്കും. കണക്കുകളിലാണ് കളി. ആരൊക്കെ മറുകണ്ടം ചാടും ആരെയൊക്കെ ചാക്കിട്ടുപിടിക്കും എന്നതിനെ ആശ്രയിച്ചിരിക്കുന്ന കണക്കുകള്‍.
ബി.ജെ.പി തങ്ങളുടെ രണ്ട് എംഎല്‍.എമാരെ ഹൈജാക്ക് ചെയ്‌തെന്ന് ജെ.ഡി.എസ് നേതാവ് എച്ച്.ഡി കുമാരസ്വാമി. പക്ഷേ അവര്‍ തിരിച്ചുവരുമെന്നാണ് പ്രതീക്ഷയെന്നും അദ്ദേഹം ഇന്നലെ പറഞ്ഞിരുന്നു.118 എം.എല്‍.എമാരുടെ പട്ടിക ഞങ്ങള്‍ ഗവര്‍ണര്‍ക്ക് കൈമാറിയിട്ടുണ്ട്. സര്‍ക്കാര്‍ രൂപീകരിക്കാനാവശ്യമായ ഭൂരിപക്ഷം തങ്ങള്‍ക്കുണ്ട്. ബി.ജെ.പി ഇപ്പോഴും എം.എല്‍.എമാരെ വിലക്കെടുക്കാന്‍ നോക്കുകയാണെന്നും കുമാരസ്വാമി പറഞ്ഞു.
കര്‍ണാടക നിയമസഭയില്‍ വിശ്വാസവോട്ടെടുപ്പ് നടക്കാനിരിക്കെ കോണ്‍ഗ്രസിന്റെ നിയമസഭാകക്ഷി നേതാവായി മുന്‍ മുഖ്യമന്ത്രി സിദ്ധരാമയ്യയെ തിരഞ്ഞെടുത്തു. ഹൈദരാബാദിലെ റിസോര്‍ട്ടില്‍ ചേര്‍ന്ന കോണ്‍ഗ്രസ് എംഎല്‍എമാരുടെ യോഗത്തിലാണ് തീരുമാനം.
0 Comments