22-ന് അകത്തെ കലശ ദിനത്തില്‍ നാല് കലശവും 23-ന് പുറത്തെ കലശദിനത്തില്‍ ആറ് കലശവും എഴുന്നള്ളിക്കും. കിഴക്കുംകര ദേവസ്ഥാനത്തുനിന്നും മടിക്കൈ കളരിയില്‍നിന്നും രണ്ടുവീതവും മറ്റിടങ്ങളില്‍നിന്ന് ഒന്നുവീതവുമാണ് പുറത്തെ കലശോത്സവത്തിന് എഴുന്നള്ളിക്കുന്നത്.
കലശത്തട്ട് അലങ്കരിക്കുന്നതിനുള്ള പൂക്കള്‍ തേടി പൂക്കാര്‍ സംഘം ഗ്രാമ സഞ്ചാരം തുsങ്ങി. തിങ്കളാഴ്ച രാവിലെ ആചാരസ്ഥാനികര്‍ക്കൊപ്പം ദേശസഞ്ചാരം നടത്തി പൂക്കള്‍ ശേഖരിച്ചു. പ്രധാനമായും കമുകിന്‍ പൂക്കുല, ചെക്കിപ്പൂവ്, തെങ്ങിന്‍ കുരുത്തോല എന്നിവയാണ് ശേഖരിക്കുന്നത്. അടോട്ട് ദേവസ്ഥാനത്ത് നിന്ന് വയല്‍ കളരിയില്‍ നിന്നുള്ള പൂക്കാര്‍ സംഘം വാരിക്കാട്ട് തന്ത്രിയില്‍നിന്ന് അനുവാദം വാങ്ങിയശേഷമാണ് യാത്രതിരിച്ചത്. വീണച്ചേരി വടക്കേവീട് തറവാട്, വലിയവീട് തറവാട്ടില്‍നിന്നു സ്വീകരണത്തിനുശേഷമാണ് സംഘം തന്ത്രിക്ക് മുന്നിലെത്തിയത്. വൈകീട്ട് മൂലക്കണ്ടത്ത് ഇരുസംഘവും സംഗമിച്ചശേഷം പൂക്കള്‍ കൈമാറുന്ന ചടങ്ങും നടന്നു.
ചൊവാഴ്ച അലങ്കരിച്ച കലശവുമായി സംഘം മഡിയന്‍ കൂലോത്തേക്ക് കാല്‍നടയായി പുറപ്പെടും. 23-ന് കലശോത്സവം സമാപിക്കുന്നതോടെ മഡിയന്‍ കൂലോം ക്ഷേത്രപരിധിയിലെ കളിയാട്ടങ്ങള്‍ക്കും സമാപനമാവും. ആറ് മാസത്തെ ഇടവേളയ്ക്കുശേഷം തുലാം 10-നാണ് പിന്നീട് കളിയാട്ടം തുടങ്ങുന്നത്.
0 Comments