കാഞ്ഞങ്ങാട്: പൊട്ടി യൊലിക്കുന്ന മാലിന്യം സംസ്‌കരിക്കാന്‍ സംവിധാനമില്ലാതെ വൈറല്‍ പനികളെ മാടി വിളിക്കുകയാണ് കാഞ്ഞങ്ങാട് മല്‍സ്യമാര്‍ക്കറ്റ്. മാലിന്യ സംസ്‌കരണത്തിന് ഒരു പ്ലാന്റ് സ്ഥാപിച്ചതല്ലാതെ അവിടെ പ്രവര്‍ത്തനം ഇപ്പോഴും തുടങ്ങിയിട്ടില്ല. മാലിന്യം പൊട്ടിയൊലിച്ച് നടക്കാന്‍ പോലും കഴിയാത്തയവസ്ഥയാണ് കാഞ്ഞങ്ങാട് മല്‍സ്യമാര്‍ക്കറ്റിനുള്ളത്. നിരവധി പേരാണ് ദിവസവും മല്‍സ്യമാര്‍ക്കറ്റില്‍ വന്ന് പോകുന്നത്. അതു കൊണ്ട് തന്നെ മല്‍സ്യമാര്‍ക്കറ്റില്‍ മാലിന്യം ഇങ്ങനെ കെട്ടി നില്‍ക്കുന്നത് വൈറല്‍ പനികളെ വിളിച്ചു വരുത്തുമോ എന്ന പരാതി അവിടെയുള്ള മല്‍സ്യമാര്‍ക്കറ്റില്‍ ജോലി ചെയ്യുന്നവര്‍ക്കും നാട്ടുകാര്‍ക്കുമുണ്ട്. നിപ്പ, ഡെംഗി വൈറസുകള്‍ കാരണം ജനങ്ങള്‍ കൂടുതല്‍ ആശങ്കയില്‍ നില്‍ക്കു മ്പോഴാണ് ഇപ്പോഴും അടിഞ്ഞ് കൂടി കിടക്കുന്ന മാലിന്യം കാരണം ജനം കഷ്ടത്തിലായിരിക്കുന്നത്.എത്രയും പെട്ടന്ന് നഗരസഭ മുന്‍ കൈ യെടുത്ത് നേര ത്തെ യുണ്ടാക്കിയ മാലിന്യ സംസ്‌കരണ പ്ലാന്റ് പ്രവര്‍ത്തിപ്പിക്കണ മെന്നാവശ്യം ശക്തമാണ്.
0 Comments