ചൊവ്വാഴ്ച അര്‍ധരാത്രിയോടെ സൈറ്റ് സന്ദര്‍ശിച്ചവര്‍ കണ്ടത് ഹാപ്പി ബര്‍ത്ത് ഡേ പൂജ…ഹാപ്പി ബര്‍ത്ത് ഡേ എന്ന വാചകമാണ്. എന്നാല്‍ സന്ദേശം ആരാണ് അയച്ചതെന്നോ, ആരാണ് സൈറ്റ് ഹാക്ക് ചെയ്തതെന്നോ വ്യക്തമായിട്ടില്ല. സര്‍വകലാശാല അധികൃതരും ഇതുസംബന്ധിച്ച ഔദ്യോഗികമായി പ്രതികരിച്ചിട്ടില്ല. ഏതെങ്കിലും വ്യക്തിയോ സംഘടനയോ ഇതിന്റെ ഉത്തരവാദിത്വം ഏറ്റെടുത്ത് രംഗത്തു വന്നിട്ടുമില്ല. വെബ്സൈറ്റ് പിന്നീട് സാധാരണ നിലയിലായി.
സൈറ്റ് സന്ദര്‍ശിച്ചവര്‍ തന്നെ തങ്ങള്‍ സ്‌ക്രീനില്‍ കണ്ട സന്ദേശം ട്വിറ്റര്‍ അടക്കമുള്ള സോഷ്യല്‍ മീഡിയകളില്‍ പോസ്റ്റ് ചെയ്യുകയായിരുന്നു. അതിലൊന്ന് ഇങ്ങനെ,
“മെയ് 22 പൂജയുടെ പിറന്നാളായിരിക്കണം. ഇപ്പോള്‍ ജാമിയ മിലിയ സര്‍വകലാശാലയ്ക്ക് മുഴുവന്‍ ഈ വിവരം അറിയാം. എങ്ങനെയെന്നറിയുമോ, ഏതോ സാങ്കേതികജ്ഞാനിയായ കാമുകന്‍ സര്‍വകലാശാല സൈറ്റ് ഹാക്ക് ചെയ്ത് പേജില്‍ എഴുതിയിരിക്കുകയാണ് ഹാപ്പി ബര്‍ത്ത് ഡേ പൂജ ..എന്തായാലും സംഭവം ഗംഭീരം..”
0 Comments