ഈ വര്ഷത്ത ഹജ്ജിന് അവസരം ലഭിച്ചവരും വെയിറ്റിംഗ് ലിസ്റ്റില് 3000 വരെ ക്രമ നമ്പറുകളിലുള്പ്പെട്ടവരും അതാത് ഏരിയകളിലെ ക്ലാസ്സുകളില് പങ്കെടുക്കണം. കാഞ്ഞങ്ങാട് മണ്ഡലത്തിലെയും ഉദുമ മണ്ഡലത്തിലെ ബേക്കലിന് തെക്ക് പ്രദേശത്തുമുള്ളവരും നീലേശ്വരം മുനിസിപ്പാലിറ്റിയിലുമുള്ള ഹാജിമാര് 16 ന് രാവിലെ 8.30 മണിക്ക് കാഞ്ഞങ്ങാട് പുതിയകോട്ട ടൗണ് ഹാളിന് സമീപത്തുള്ള മദ്രസയിലും ഉദുമ, കാസര്കോട്, കുമ്പള മേഖലയിലെ ഹാജിമാര് 16 ന് ഉച്ചയ്ക്ക് 1.30 മണിക്ക് കാസര്കോട് തളങ്കര മാലിക്ക്ദീനാര് ഇസ്ലാമിക്ക് അക്കാദമി ഹാളിലും, തൃക്കരിപ്പൂര് മണ്ഡലത്തിലെ നീലേശ്വരം നഗരസഭയിലെ ഒഴികെയുള്ള ഹാജിമാര്ക്കുള്ള ക്ലാസ് 18 ന് രാവിലെ 9 മണിക്ക് തൃക്കരിപ്പൂര് ബസ്റ്റാന്റിലുള്ള സി.എച്ച്. സ്മാരക പഞ്ചായത്ത് ഓഡിറ്റോറിയത്തിലും മഞ്ചേശ്വരം മണ്ഡലത്തിലെ ഹാജിമാര്ക്കായുള്ള ക്ലാസ്സ് 19 ന് രാവിലെ 8.30 മണിക്ക് ഉപ്പള മരിക്ക പ്ലാസ ഓഡിറ്റോറിയത്തിലും ചെര്ക്കള മേഖലയിലെ ഹാജിമാര്ക്കുള്ള ക്ലാസ് 19 ന് ഉച്ചയ്ക്ക് 1.30 മണിക്ക് കാസര്കോട് തളങ്കര മാലിക്ക്ദീനാര് ഇസ്ലാമിക്ക് അക്കാദമിക്ക് ഹാളിലും നടക്കുന്ന ക്ലാസുകളില് പങ്കെടുക്കണം. ക്ലാസുകളില് ഹാജിമാര്ക്കുള്ള ലഗേജ് സ്റ്റിക്കര്, മഫ്ത്ത സ്റ്റിക്കര് എന്നിവ വിതരണം ചെയ്യും. അതാത് ഏരിയകളില് പങ്കെടുക്കുന്ന ഹാജിമാര്ക്ക് മാത്രമേ സ്റ്റിക്കര് ലഭിക്കുകയുള്ളൂവെന്നതിനാല് നിശ്ചിത ഏരിയകളിലെ ക്ലാസുകളില് മാത്രമേ ഹാജിമാര് പങ്കെടുക്കേണ്ടതുള്ളൂ. ക്ലാസിന് വരുമ്പോള് കവര് നമ്പര്, ഒരു സ്റ്റാമ്പ് സൈസ് ഫോട്ടോ (പിറകില് കവര് നമ്പറും പേരും എഴുതണം) എന്നിവ കൊണ്ടുവരണം. മുമ്പ് കൊടുത്തവര് കൊണ്ട് വരേണ്ടതില്ല. ഓരോ കവറിലെയും എല്ലാ ഹാജിമാരും ക്ലാസില് പങ്കെടുക്കല് നിര്ബന്ധമാണ്. പണമടക്കുവാന് ബാക്കിയുള്ള ഹാജിമാര് ജൂണ് 20 ന് മുമ്പ് പണമടക്കുകയും രശീത് ഹജ്ജ് ഹൗസില് സമര്പ്പിക്കുകയും വേണം. ഹാജിമാര്ക്കുള്ള വിമാന തീയ്യതി കേന്ദ്ര ഹജ്ജ് കമ്മറ്റിയുടെ വെബ്സൈറ്റില് ലഭ്യമാണ്. കേരളത്തില് നിന്നുള്ള ഹാജിമാര് ജൂലൈ 7 മുതല് 20 വരെ തീയ്യതികളിലായി കരിപ്പൂര് വിമാനത്താവളത്തില് നിന്നും ജൂലൈ 14 മുതല് 17 വരെ തീയ്യതികളിലായി നെടുമ്പാശ്ശേരി വിമാനത്താവളത്തില് നിന്നും മദീനയിലേക്ക് യാത്രയാകും. കൂടുതല് വിവരങ്ങള്ക്കും സേവനങ്ങള്ക്കുമായി അതാത് മണ്ഡലങ്ങളിലെ ഹജ്ജ് ട്രയിനര്മാരുമായോ, ജില്ലാ ട്രയിനര് അമാനുല്ലാഹ്.എന്.കെ (9446111188) യുമായോ ബന്ധപ്പെടണം.
0 Comments:
ഒരു അഭിപ്രായം പോസ്റ്റ് ചെയ്യൂ