കാസർകോട്: മഞ്ചേശ്വരം നിയമസഭാ ഉപതെരഞ്ഞെടുപ്പിനായി ഒരാള്‍ കൂടി നാമനിര്‍ദേശ പത്രിക സമര്‍പ്പിച്ചു. കുമ്പള നാരായണ മംഗലത്തെ ഇര്‍ഷാദ് മന്‍സിലിലെ കെ അബ്ദുല്ലയാണ് പത്രിക സമര്‍പ്പിച്ചത്. 59 വയസ്സുകാരനായ ഇദ്ദേഹം സ്വതന്ത്ര സ്ഥാനാര്‍ത്ഥിയായാണ് മത്സരിക്കുന്നത്. വരണാധികാരിയായ ഡെപ്യൂട്ടി കളക്ടര്‍(എല്‍ ആര്‍) എന്‍ പ്രേമചന്ദ്രന്‍ മുമ്പാകെയാണ് പത്രിക സമര്‍പ്പിച്ചത്.
കഴിഞ്ഞ ദിവസം തമിഴ്‌നാട് സേലം സ്വദേശിയായ ഡോ കെ പദ്മരാജന്‍ പത്രിക സമര്‍പ്പിച്ചിരുന്നു. ഇതോടെ രണ്ട് പേര്‍ ഉപതെരഞ്ഞെടുപ്പിനായി പത്രിക സമര്‍പ്പിച്ചു.
ഈ മാസം 30 ന് വൈകുന്നേരം മൂന്നുവരെ സ്ഥാനാര്‍ത്ഥികള്‍ക്ക് നാമനിര്‍ദ്ദേശ പത്രിക സമര്‍പ്പിക്കാം. വരണാധികാരികൂടിയായ ഡെപ്യൂട്ടി കളക്ടര്‍ (എല്‍ ആര്‍) എന്‍ പ്രേമചന്ദ്രന്റെ കളക്ടറേറ്റിലെ ഓഫീസിലും ഉപവരണാധികാരിയായ മഞ്ചേശ്വരം ബ്ലോക്ക് ഡെവലപ്പ്‌മെന്റ് ഓഫീസര്‍ എന്‍. സുരേന്ദ്രന്റെ ഓഫീസിലും പത്രിക സ്വീകരിക്കും. പ്രവൃത്തി ദിവസങ്ങളില്‍ രാവിലെ 11 മുതല്‍ വൈകുന്നേരം മൂന്ന് വരെ പത്രിക സമര്‍പ്പിക്കാം.
0 Comments