കോഴിക്കോട്: കൂടത്തായി കൊലപാതക പരമ്പരയില്‍ തനിക്കും പങ്കുണ്ടെന്ന കുറ്റസമ്മതവുമായി ജോളിയുടെ രണ്ടാം ഭര്‍ത്താവ് ഷാജു. ആദ്യ ഭാര്യയായിരുന്ന സലിയേയും കുഞ്ഞിനെയും കൊലപ്പെടുത്താനുള്ള സാഹചര്യം താന്‍ ഒരുക്കിക്കൊടുത്തെന്നാണ് ഷാജു ക്രൈംബ്രാഞ്ച് സംഘത്തോട് സമ്മതിച്ചിരിക്കുന്നത്.
ജോളി അറസ്റ്റിലായതിനു പിന്നാലെ തിനിക്ക് ഒന്നും അറിയില്ലെന്നായിരുന്നു ഷാജുവിന്റെ പ്രതികരണം. താന്‍ ഒരു അധ്യാപകനാണെന്നും കള്ളം പറയില്ലെന്നും ഷാജു മാധ്യമങ്ങളോട് പ്രതികരിച്ചിരുന്നു. എന്നാല്‍ ഇന്ന് കസ്റ്റഡിയില്‍ എടുത്ത് ചോദ്യം ചെയ്തതോടെയാണ് ഷാജു കുറ്റസമ്മതം നടത്തിയത്. ജോളിയെ വിവാഹം കഴിക്കുന്നതിനു മുന്‍പ് തന്നെ ഷാജു കൊലപാതക പരമ്പരയില്‍ പങ്കാളിയായെന്നാണ് ഇപ്പോള്‍ നടത്തിയ കുറ്റസമ്മതത്തിലൂടെ വ്യക്തമാകുന്നു.
കസ്റ്റഡിയിലുള്ള ഷാജുവിന്റെ അറസ്റ്റ് പൊലീസ് ഉടന്‍ രേഖപ്പെടുത്തുമെന്നാണ് സൂചന. ഇതിനിടെ ഷാജുവിന്റെ പിതാവ് സക്കറിയയെയും ക്രൈംബ്രാഞ്ച് ചോദ്യം ചെയ്യാന്‍ വിളിപ്പിച്ചിട്ടുണ്ട്.
0 Comments