കേരള വനംവകുപ്പ് സ്കൂൾ വിദ്യാർഥികൾക്കായി നടത്തിയ ചിത്രരചനാ മത്സരത്തിൽ ആദിത്യന് ഒന്നാം സ്ഥാനം

കാഞ്ഞങ്ങാട് : ഗാന്ധിജയന്തി പക്ഷാചരണത്തോടനുബന്ധിച്ച് കേരള വനംവകുപ്പ് സ്കൂൾ വിദ്യാർഥികൾക്കായി നടത്തിയ ചിത്രരചനാ മത്സരത്തിൽ (പെൻസിൽ ഡയിംഗ് ) പി.ആദിത്യന് സംസ്ഥാന തലത്തിൽ ഒന്നാം സ്ഥാനം. അയ്യായിരം രൂപ ക്യാഷ് അവാർഡും ഫലകവും പ്രശസ്തിപത്രവും അടങ്ങിയതാണ് പുരസ്കാരം .ദുർഗാ ഹൈസ്കൂളിൽ ഒമ്പതാം തരം വിദ്യാർഥിയാണ്. തിരുവനന്തപുരത്ത് നടന്ന ചടങ്ങിൽ കേരള ഗവർണർ  ആരിഫ് മുഹമ്മദ് ഖാനിൽ നിന്ന് സമ്മാനങ്ങൾ ഏറ്റു വാങ്ങി. അലാമിപ്പള്ളിയിലെ ഓട്ടോ ഡ്രൈവറായ മണിയുടെയും ജില്ലാ ആശുപത്രിയിലെ താൽക്കാലിക ജീവനക്കാരി നിഷയുടെയും മകനാണ്. വിനോദ് അമ്പലത്തറയുടെ കീഴിൽ ചിത്രരചന അഭ്യസിക്കുന്ന ആദിത്യൻ ജില്ല, സംസ്ഥാന തലങ്ങളിൽ ജലച്ചായത്തിലും പെൻസിൽ ഡ്രോയിംഗിലും നിരവധി സമ്മാനങ്ങൾ നേടിയിട്ടുണ്ട്.
ഫോട്ടോ: കേരള വനം വകുപ്പ് നടത്തിയ ചിത്രരചനാ മത്സരത്തിൽ ഒന്നാം സ്ഥാനം നേടിയ ആദിത്യൻ ഗവർണർ ആരിഫ് മുഹമ്മദ്  ഖാനിൽ നിന്ന് സമ്മാനങ്ങൾ ഏറ്റുവാങ്ങുന്നു.