കാസര്‍കോട്; യുവാവിനെ കാറില്‍ തട്ടിക്കൊണ്ടുപോയി പണവും മൊബൈല്‍ഫോണും കവര്‍ന്നുവെന്ന പരാതിയില്‍ മൂന്നുപേര്‍ക്കെതിരെ പോലീസ് കേസെടുത്തു. നെക്രാജെ നെല്ലിക്കട്ട പരപ്പ ഹൗസിലെ മുഹമ്മദ് ആഷിഖി(19)ന്റെ പരാതിയില്‍ ഖാദര്‍, ആസിഫ്, അമീറലി എന്നിവര്‍ക്കെതിരെയാണ് വിദ്യാനഗര്‍ പോലീസ് കേസെടുത്തത് . വ്യാവാഴ്ച രാവിലെ ചെര്‍ക്കള ടൗണില്‍ നില്‍ക്കുന്നതിനിടെ എത്തിയ സംഘം ആഷിഖിനെ കാറില്‍ ബലമായി പിടിച്ചുകയറ്റുകയും ഇന്ദിരാനഗറിലേക്ക് കൊണ്ടുപോയി അവിടെ വെച്ച് കത്തികാട്ടി കൊലപ്പെടുത്തുമെന്ന് ഭീഷണിപ്പെടുത്തിയ ശേഷം യുവീവിന്റെ ഐ ഫോണും 1000 രൂപയും തട്ടിയെടുക്കുകയും ചെയ്തുവെന്നാണ് പരാതി. സംഘത്തില്‍പെട്ട അമീറലി എന്നയാളെ പോലീസ് കസ്റ്റഡിയിലെടുത്തു.
0 Comments