ന്യൂഡല്‍ഹി: ഇന്ത്യയില്‍ ആഭ്യന്തര വിമാന സര്‍വീസുകളില്‍ വൈഫൈ സംവിധാനം ഉടന്‍. വിമാനയാത്രികര്‍ക്ക് വൈഫൈ സംവിധാനം ഉപയോഗിക്കാന്‍ അനുവാദം നല്‍കി കേന്ദ്ര സര്‍ക്കാര്‍ മാര്‍ഗനിര്‍ദേശങ്ങള്‍ പുറപ്പെടുവിപ്പിച്ചു. കഴിഞ്ഞ ഓഗസ്റ്റില്‍ പുറപ്പെടുവിച്ച കരട് ചട്ടങ്ങള്‍ കഴിഞ്ഞ ശനിയാഴ്ചയാണ് കേന്ദ്രസര്‍ക്കാര്‍ പുറപ്പെടുവിച്ചത്.
കയ്യിലെ ഹാന്‍ഡ്‌സെറ്റ് ഫ്‌ളൈറ്റ് മോഡിലേക്ക് മാറ്റണം. പൈലറ്റ് വൈ-ഫൈ ഓണ്‍ ചെയ്യുന്നത് അനുസരിച്ച് യാത്രക്കാര്‍ക്ക് ഇന്റര്‍നെറ്റ് ലഭിക്കും. ഫോണിനു പുറമെ ലാപ്‌ടോപ്, ടാബ്ലററ്, സ്മാര്‍ട്ട് വാച്ച് എന്നിവയെല്ലാം ഉപയോഗിക്കാം. ഓരോ വിമാനത്തിലും ഇന്റര്‍നെറ്റ് സംവിധാനം നല്‍കണമെങ്കില്‍ ഡയറക്ടര്‍ ജനറല്‍ ഓഫ് സിവില്‍ ഏവിയേഷന്റെ പ്രത്യേക ഇന്റര്‍നെറ്റ് ഫിറ്റ്‌നസ് സര്‍ട്ടിഫിക്കറ്റ് കൂടി നേടണം.
0 Comments