കോട്ടയം മെഡിക്കല്‍ കോളേജിലെ ഡോക്ടറുടെ വീട്ടില്‍ കയറി കിടപ്പറ ദൃശ്യങ്ങള്‍ പകര്‍ത്തിയ കേസില്‍ പ്രധാന പ്രതി അറസ്റ്റില്‍. ആര്‍പ്പൂക്കര മുതിരക്കാലയില്‍ എം ആര്‍ രോഹിത്ത് (23) ആണ് പിടിയിലായത്. ഗാന്ധിനഗര്‍ സി.ഐ. ക്ലീറ്റസ് കെ.ജോസഫിന്റെ നേതൃത്വത്തിലുള്ള സംഘമാണ് യുവാവിനെ അറസ്റ്റുചെയ്തത്. ഈ കേസിലെ മറ്റൊരു പ്രതി അര്‍പ്പൂക്കര സ്വദേശി അന്‍സില്‍ റിമാന്‍ഡിലാണ്. ഫെബ്രുവരിയിലാണ് സംഭവം. രാത്രിയില്‍ ഡോക്ടറുടെ വീട്ടില്‍ കയറി രഹസ്യമായി ഫോണില്‍ കിടപ്പറ ദൃശ്യങ്ങള്‍ പകര്‍ത്തുകയായിരുന്നു. ഇത് മറ്റുള്ളവര്‍ക്ക് അയച്ചുകൊടുക്കുകയും ചെയ്തു. ഇത്തരത്തില്‍ നിരവധി ദൃശ്യങ്ങളാണ് പ്രതിയുടെ ഫോണില്‍നിന്ന് പൊലീസ് കണ്ടെടുത്തത്. എസ് ഐ കെ ദീപക്, പ്രൊബേഷന്‍ എസ്.ഐ. പ്രദീപ് എന്നിവരടങ്ങിയ അന്വേഷണ സംഘമാണ് പ്രതിയെ പിടികൂടിയത്.
