സംസ്ഥാനത്തെ സ്‌കൂളുകള്‍ തുറക്കുന്ന വിഷയത്തില്‍ വിദഗ്ധ സമിതി ഇന്ന് വിദ്യാഭ്യാസ മന്ത്രിക്ക് റിപ്പോര്‍ട്ട് നല്‍കും. ഉടന്‍ സ്‌കൂളുകള്‍ തുറക്കേണ്ട എന്ന നിഗമനത്തിലാണ് വിദഗ്ധ സമിതിയും. ഈ മാസമോ അടുത്ത മാസമോ സ്‌കൂള്‍ തുറക്കാന്‍ പറയാന്‍ സാധ്യതയില്ല. അധ്യയന വര്‍ഷം പൂര്‍ണ്ണമായും ഇല്ലാതാകുന്ന രീതിയില്‍ കാര്യങ്ങള്‍ എത്തിക്കാതെ ജനുവരിക്ക് ശേഷം വേനലവധി അടക്കം റദ്ദാക്കിക്കൊണ്ട് ക്ലാസുകള്‍ പൂര്‍ത്തിയാക്കാമെന്ന ശുപാര്‍ശയാണ് വിദഗ്ധ സമിതി സര്‍ക്കാരിന് സമര്‍പ്പിക്കുകയെന്നാണ് വിവരം. സ്‌കൂള്‍ തുറന്നാല്‍ ആദ്യം 10, 12 ക്ലാസുകളിലെ വിദ്യാര്‍ത്ഥികളെ ക്ലാസിലെത്തിക്കാനാണ് നിര്‍ദ്ദേശം. പിന്നീട് 9,11 ക്ലാസ് വിദ്യാര്‍ത്ഥികളെ എത്തിക്കുകയും തുടര്‍ന്ന് സാഹചര്യം അനുകൂലമാകുമ്പോള്‍ ഷിഫ്റ്റ് സമ്പ്രദായത്തില്‍ ക്ലാസുകള്‍ നടത്തുകയെന്നതാണ് നിലവിലെ നിര്‍ദ്ദേശം.
0 Comments