തൃശൂര്‍: തൃശൂര്‍ ഗവ. മെഡിക്കല്‍ കോളജില്‍ വിദ്യാര്‍ഥിനികളുടെ മുന്നില്‍ നഗ്നതാ പ്രദര്‍ശനം നടത്തിയ ആളെ അറസ്റ്റുചെയ്തു. പട്ടാമ്പി കൊടുമണ്ണ ചിറയില്‍ കളരിക്കല്‍ ഉണ്ണിക്കൃഷ്ണന്‍ (35) ആണ് അറസ്റ്റിലായത്. ഇന്നലെ ഉച്ചയ്ക്കാണ് സംഭവമുണ്ടായത്. മദ്യപിച്ചെത്തിയ ഇയാള്‍ ഫോറന്‍സിക്ക് വകുപ്പിനു സമീപമുള്ള ബാങ്കിന് അടുത്തുവച്ചാണ് മെഡിക്കല്‍ വിദ്യാര്‍ഥിനികളുടെ മുന്നില്‍ പാന്റ് അഴിച്ചുമാറ്റി നഗ്നതാ പ്രദര്‍ശനം നടത്തിയത്.
സംഭവമറിഞ്ഞ് സ്ഥലത്തെത്തിയ മറ്റു വിദ്യാര്‍ഥികള്‍ ഇയാളെ കീഴ്‌പ്പെടുത്തി പോലീസില്‍ ഏല്‍പ്പിക്കുകയായിരുന്നു. വിദ്യാര്‍ഥിനികള്‍ക്കു മുമ്പില്‍ സമാന സംഭവങ്ങള്‍ തുടര്‍ക്കഥയാകുന്നതില്‍ പ്രതിഷേധിച്ച് മെഡിക്കല്‍ വിദ്യാര്‍ഥികള്‍ കോളജ് കാമ്പസിലേക്കുള്ള നാലു വഴികള്‍ അടച്ചു. നാട്ടുകാരുടെ പ്രതിഷേധത്തെ തുടര്‍ന്ന് പ്രിന്‍സിപ്പലിന്റെ അനുമതിയോടെ മെഡിക്കല്‍ കോളജ് പോലീസ് വഴികള്‍ തുറന്നുനല്‍കുകയും ചെയ്തു.
ദിവസങ്ങള്‍ക്ക് മുമ്പും സമാന രീതിയിലുള്ള സംഭവം ഉണ്ടായിരുന്നു. അന്ന് മെഡിക്കല്‍ വിദ്യാര്‍ഥികള്‍ നടത്തിയ സമരത്തെ തുടര്‍ന്ന് വടക്കാഞ്ചേരി കുമരനെല്ലൂര്‍ സ്വദേശിയായ യുവാവിനെ മെഡിക്കല്‍ കോളജ് പോലീസ് അറസ്റ്റു ചെയ്തിരുന്നു.
0 Comments