കണ്ണൂര്: സുഹൃത്തുക്കളുമായി മാങ്ങ പറിക്കുന്നതിനിടെ കാല് വഴുതി കിണറ്റില് വീണ യുവാവ് മരിച്ചു. കേളകം പെരുന്താനം സ്വദേശി കോടിയാപുരയിടത്തില് ജിന്സ് മാത്യു (25) വാണ് മരിച്ചത്.
കഴിഞ്ഞ ദിവസമാണ്അപകടം സംഭവിച്ചത്. പെരുന്താനം ബാവലിപ്പുഴയില് കുളികഴിഞ്ഞ് വരുന്ന വഴിയില് സുഹൃത്തുക്കളോടൊപ്പം അയല്വാസിയുടെ വീട്ടുവളപ്പിലെ മാങ്ങ പറിക്കുന്നതിനിടെയാണ് അപകടം. മാവില്നിന്നു പറിച്ചിടുന്ന മാങ്ങ താഴെവീഴാതെ പിടിക്കാനായി മാവിന് കൊമ്പിൽ നിന്നു മുന്നോട്ടാഞ്ഞ ടിന്സ് കാല് വഴുതി കിണറ്റില് വീഴുകയായിരുന്നു.
വിവരമറിഞ്ഞ് പേരാവൂരില്നിന്ന് എത്തിയ അഗ്നിരക്ഷാസേനയും സുഹൃത്തുക്കളും ചേര്ന്ന് കിണറ്റിലിറങ്ങി യുവാവിനെ പുറത്തെടുത്തു. തുടര്ന്ന് പേരാവൂരിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സഹോദരങ്ങള്: ടെന്സി, അഞ്ജു.
0 Comments