ജിദ്ദ: സൗദിയിൽ ഉംറ തീർഥാടകർ സഞ്ചരിച്ചിരുന്ന ബസ് മറിഞ്ഞ് 20 പേർ മരിച്ചു. അസീർ പ്രവിശ്യയിലെ ചുരത്തിലാണ് അപകടമുണ്ടായത്. മരിച്ച 20 പേരും ഏഷ്യൻ വംശജരാണെന്നാണ് പ്രാഥമിക വിവരം.
അസീറിൽ നിന്നും മക്കയിലേക്ക് പുറപ്പെട്ട ബസ് ചുരത്തിൽ വെച്ച് നിയന്ത്രണം നഷ്ടപ്പെട്ട് മതിലിലിടിച്ച് മറിയുകയും കത്തുകയുമായിരുന്നു. മിക്കവരും സംഭവസ്ഥലത്ത് തന്നെ മരിച്ചു. അപകടത്തിൽ പതിനാറോളം പേർക്ക് പരിക്കുണ്ട്. ഇവരെ അസീറിലെ വിവിധ ആശുപത്രികളിൽ പ്രവേശിപ്പിച്ചിരിക്കുകയാണ്.
ബസിലുണ്ടായിരുന്നവരിൽ ഭൂരിഭാഗവും ബംഗ്ലദേശി പൗരന്മാരായിരുന്നതായാണ് റിപ്പോർട്ടുകൾ.
0 Comments