സി.പി.എം ജില്ലാ സമ്മേളനം : ഇന്ന് കാഞ്ഞങ്ങാട് ഗതാഗത നിയന്ത്രണം

കാഞ്ഞങ്ങാട് : കാഞ്ഞങ്ങാട് നടക്കുന്ന സിപിഎം ജില്ലാ സമ്മേളനത്തിന്റെ ഭാഗമായി നഗരത്തിൽ നടത്തുന്ന പ്രകടനത്തെ തുടർന്ന് വാഹന തടസം ഉണ്ടാകാൻ സാധ്യതയുള്ളതിനാൽ ഇന്ന് വെള്ളിയാഴ്ച ട്രാഫിക് ക്രമീകരണമുണ്ടാകുമെന്ന് ഹോസ്ദുർഗ് പൊലീസ് അറിയിച്ചു. നീലേശ്വരം ഭാഗത്തുനിന്നും കാസർകോട്- മംഗലാപുരം ഭാഗത്ത് പോകുന്ന മുഴുവൻ വാഹനങ്ങളും 11 മണിമുതൽ കാഞ്ഞങ്ങാട് സൗത്ത് നിന്നും ദേശീയ പാത വഴി കടന്നു പോകണം. കാസർകോട് ഭാഗത്തുനിന്നും നീലേശ്വരം ഭാഗത്ത് നിന്നും വരുന്ന ഹെവി വാഹനങ്ങൾ രാവിലെ 11 മണി മുതൽ നാഷണൽ ഹൈവേയിൽ മാത്രമേ സഞ്ചരിക്കുവാൻ പാടുള്ളൂ. നഗരത്തിലെ സർവീസ് റോഡുകളിൽ പാർക്കിംഗ് അനുവദിക്കുന്നതല്ല. കാഞ്ഞങ്ങാട്, അതിഞ്ഞാൽ മുതൽ പുതിയ കോട്ട വരെയുള്ള സംസ്ഥാന ഹൈവേയുടെ കിഴക്കുഭാഗം പ്രകടനക്കാര്‍ക്കും പടിഞ്ഞാറുഭാഗം വൺവേ ഒഴിവാക്കി ഇരുവശത്തേക്കുമാ യി ഉച്ചക്ക് രണ്ടുമണിമുതൽ ഉപയോഗിക്കാം. ഗതാഗത നിയന്ത്രണത്തിൽ സഹകരിക്കണമെന്ന് പൊലീസ് അറിയിച്ചു.