മഞ്ചേശ്വരം: മംഗല്‍പാടി പഞ്ചായത്തില്‍ ഒരു മുസ്ലിം ലീഗ് സ്ഥാനാര്‍ത്ഥി എതിരില്ലാതെ തിരഞ്ഞെടുക്കപ്പെട്ടു. പഞ്ചായത്ത് 24-ാം വാര്‍ഡായ മണിമുണ്ടയില്‍ ലീഗ് സ്ഥാനാര്‍ത്ഥിയായി പത്രിക സമര്‍പ്പിച്ചിരുന്ന സമീനയാണ് എതിര്‍ സ്ഥാനാര്‍ത്ഥികളില്ലാത്തതിനാല്‍ ഏകകണ്ഠമായി തിരഞ്ഞെടുക്കപ്പെട്ടത്. കഴിഞ്ഞ തിരഞ്ഞെടുപ്പില്‍ മുസ്ലിം ലീഗ് സ്ഥാനാര്‍ത്ഥി പരാജയപ്പെട്ടിരുന്ന ഈ വാര്‍ഡില്‍ ബിജെപിയും സിപിഎമ്മും തുല്യ ശക്തികളാണെന്നു പറയുന്നു. മഞ്ചേശ്വരം ബ്ലോക്ക് പഞ്ചായത്ത് പ്രസിഡന്റായിരുന്നു സമീന. നാമനിര്‍ദ്ദേശ പത്രിക സമര്‍പ്പിക്കേണ്ട അവസാന ദിവസമായി വെള്ളിയാഴ്ച വരെ സമീനയും ഡമ്മിയും മാത്രമേ പത്രിക സമര്‍പ്പിച്ചിരുന്നുള്ളു.
0 Comments