കാഞ്ഞങ്ങാട്: ആള്‍ക്കാര്‍ നോക്കി നില്‍ക്കെ യുവതി ട്രെയിനിനു മുന്നില്‍ ചാടി ജീവനൊടുക്കി. മാണിക്കോത്തെ വാടക ക്വാര്‍ട്ടേഴ്‌സില്‍ താമസക്കാരിയായ തമിഴ് നാട് സ്വദേശിനിയായ സംഗീത (45)യാണ് മരിച്ചത്. ശനിയാഴ്ച ഉച്ചയ്ക്കാണ് സംഭവം. മാണിക്കോത്ത് റെയില്‍വെ ട്രാക്കില്‍ ആത്മഹത്യ ചെയ്യാന്‍ എത്തിയ യുവതിയെ സ്ഥലത്തുണ്ടായിരുന്നവര്‍ പിടിച്ചു മാറ്റുകയായിരുന്നു. തുടര്‍ന്ന് യുവതി സ്ഥലത്തു നിന്നും പോയി 100 മീറ്റര്‍ അകലെ വച്ചാണ് ട്രെയിനിനു മുന്നില്‍ ചാടിയത്. മൃതദേഹം ചിന്നിച്ചിതറിയ നിലയിലാണ് കാണപ്പെട്ടത്. പൊലീസെത്തി ഇന്‍ക്വസ്റ്റ് നടത്തിയ ശേഷം മൃതദേഹം ജില്ലാ ആശുപത്രി മോര്‍ച്ചറിയിലേയ്ക്ക് മാറ്റി. വര്‍ഷങ്ങളായി കുടുംബ സമേതം മാണിക്കോത്ത് താമസിക്കുന്ന സംഗീത എന്തിനാണ് കടുംകൈ ചെയ്തതെന്നു വ്യക്തമല്ല. ഹൊസ്ദുര്‍ഗ്ഗ് പൊലീസ് കേസെടുത്ത് അന്വേഷണം തുടങ്ങി.
0 Comments