കൊച്ചി മെട്രോ ഉദ്ഘാടനത്തിനായി എത്തിയ പ്രധാനമന്ത്രി നരേന്ദ്രമോദിയെ യൂത്ത് കോണ്‍ഗ്രസുകാര്‍ ബീഫ് ഫെസ്റ്റ് നടത്തിയായിരുന്നു സ്വീകരിച്ചത്. നാവികസേനാ വിമാനത്താവളത്തിന് പുറത്തായിരുന്നു യൂത്ത് കോണ്‍ഗ്രസുകാരുടെ പ്രതിഷേധം. നേരത്തെ ഇ. ശ്രീധരനെ മെട്രോ ഉദ്ഘാടന വേദിയില്‍ ഉള്‍പ്പെടുത്തിയതിന്റെ ക്രഡിറ്റ് നേടിയെടുക്കാനുള്ള ഒരു ശ്രമവും കുമ്മനം നടത്തിയിരുന്നു. ഇ. ശ്രീധരനെ വേദിയില്‍ നിന്ന് ഒഴിവാക്കിക്കൊണ്ട് പ്രധാനമന്ത്രിയുടെ ഓഫീസ് പട്ടിക പുറത്തുവിട്ടതിന് പിന്നാലെ ശ്രീധരനേയും പ്രതിപക്ഷ നേതാവിനേയും ഉള്‍പ്പെടുത്തണമെന്ന് കാണിച്ച് മുഖ്യമന്ത്രി പിണറായി വിജയന്‍ പ്രധാനമന്ത്രിക്ക് കത്തയച്ചിരുന്നു. ഇതിന് പിന്നാലെ പട്ടിക തിരുത്തി പുതിയ പട്ടിക പുറത്തിറക്കുകയായിരുന്നു കേന്ദ്രം. ഇതിന്റെ കോപ്പി പിണറായിയുടെ ഓഫീസിലേക്ക് അയക്കുകയും ചെയ്തു. എന്നാല്‍ ഇക്കാര്യം പിണറായി വിജയന്‍ അറിയിക്കുന്നതിന് മുന്‍പേ കുമ്മനം പത്രസമ്മേളനം വിളിച്ച് ശ്രീധരനെ ഉള്‍പ്പെടുത്തിയ കാര്യം അറിയിക്കുകയായിരുന്നു.
0 Comments