'മാഡം' വെറും കെട്ടുകഥയല്ലെന്ന് സുനി; ഈ മാസം 16 ന് ശേഷം അത് ആരെന്ന് താന്‍ പറയാം

കൊച്ചി : 'മാഡം' വെറും കെട്ടുകഥയല്ലെന്ന് നടി ആക്രമിക്കപ്പെട്ട കേസിലെ മുഖ്യപ്രതി പള്‍സര്‍ സുനി. മാഡം സിനിമാ രംഗത്തു നിന്നു തന്നെയുള്ളയാളാണെന്നും സുനി പറഞ്ഞു.

ഈ മാസം 16 വരെ കാത്തിരിക്കും. അതിനുള്ളില്‍ ആ വിഐപി തന്നെ നേരിട്ടോ അല്ലാതെയോ കാര്യങ്ങള്‍ പറഞ്ഞില്ലെങ്കില്‍ താന്‍ പറയുമെന്നും സുനി പറഞ്ഞു.

പിടിക്കപ്പെട്ടതു മുതല്‍ 'മാഡം' എന്ന പദം സുനി മാധ്യമങ്ങള്‍ക്ക് മുന്നില്‍ പ്രയോഗിച്ചു വരികയാണ്. എന്നാല്‍, ഇത് ആരാണ് എന്നതു സംബന്ധിച്ച് ഇനിയും വ്യക്തത കൈവന്നിട്ടില്ല.